அஜித் என்மேல் வைத்த நம்பிக்கை..! அவரால் தான் நான் இன்று ஹீரோ.. அர்ஜுன் தாஸ் மாஸ் ஸ்பீச்..!

தமிழ் சினிமாவில், "லைஃப் டைம் செட்டில்மென்ட் ரா" என்ற வார்த்தைகளை கேட்டால் அனைவரது நினைவுக்கு வருபவர் நடிகர் அர்ஜுன் தாஸ். தனது காந்த குரலால் இன்றும் தனக்கான ரசிகர்களை உருவாக்கிய அர்ஜுன் தாஸ், ரசிகர்கள் பார்வையில் மாஸான ஹீரோவாக வலம் வந்து கொண்டு இருக்கிறார். இப்படிப்பட்ட அர்ஜுன் தாஸின் திறமையை கண்டுபிடித்த இயக்குனர் தான் லோகேஷ் கனகராஜ். அவரது இயக்கத்தில் வெளியான கைதி திரைப்படத்தில் மாஸான வில்லனாக தோன்றினார் அர்ஜுன் தாஸ். 

என்ன தான் லோகேஷ் கனகராஜ் படத்தில் இவர் வில்லனாக அறிமுகமானாலும் 2012-ல் வெளியான 'பெருமான்' என்ற திரைப்படம் தான் இவரை முதலில் மக்களிடத்தில் அறிமுகம் செய்தது. இந்த படத்தில் அவரது நடிப்பு பலரது கவனத்தையும் பெற, பிரபல இதழான 'டைம்ஸ் ஆப் இந்தியா' இவரை நம்பிக்கை தரும் அறிமுக நடிகர் எனக் குறிப்பிட்டது.

இதனை அடுத்து, அவர் நடித்த 'அந்தகாரம்' படத்தின் வெற்றிக்கு பின், அர்ஜுன் தாஸ் 'ரேடியோ ஒன் 94.3 எஃப்எம்' உடன் இணைந்து 'டிரைவ்' எனும் வானொலி நிகழ்ச்சியைத் தனது குரலில் தொகுத்து வழங்கினார். அதனால் இந்த நிகழ்ச்சி பயங்கர ஹிட் அடித்தது.

இதையும் படிங்க: 'குட், பேட், அக்லி' பாடல் சர்ச்சை.. இளையராஜா எதிர்பார்ப்பது இதை மட்டும்தான்.. இயக்குநர் சி.எஸ். அமுதன் நெகிழ்ச்சி!

இதனை அடுத்து, லோகேஷ் கனகராஜ் இயக்கத்தில் வெளியான "கைதி" திரைப்படத்தில் குணச்சித்திர வில்லனாக தோன்றிய அர்ஜுன் தாஸின் நடிப்பை பார்த்து அவருக்கு பெண் ரசிகைகள் கூட்டம் முதல் முறையாக பெருகியது. இதற்கு பின், மீண்டும் லோகேஷ் கனகராஜ் இயக்கத்தில் நடிகர் விஜய் நடிப்பில் வெளியான "மாஸ்டர்" திரைப்படத்தில் விஜய்சேதுபதியின் நம்பிக்கைக்குரிய சிறந்த வில்லனாக தோன்றி அனைவரது மனதில் இடம்பிடித்தார். அப்படத்திற்கு பிறகு விக்ரம், புட்டபொம்மா, அநீதி, போர், ரசவாதி, உள்ளிட்ட படங்களில் நடித்துள்ளார். 

இந்த சூழலில், மைத்திரி மூவி மேக்கர்ஸ் தயாரிப்பில் இயக்குநர் ஆதிக் ரவிச்சந்திரன் இயக்கத்தில் நடிகர் அஜித் மற்றும் த்ரிஷா, பிரசன்னா, சுனில், பிரபு ஆகியோருடன் அர்ஜுன் தாஸ் இணைந்து நடித்துள்ள படம் தான் "குட் பேட் அக்லி". இந்த படத்தில் இரண்டு கதாபாத்திர வேடத்தில் நடிகர் அஜித்துடன் நடித்து அசத்தியுள்ளார். அதுமட்டுமல்லாமல், இப்படத்தில் பிரியா வாரியருடன் இணைந்து "தொட்டு தொட்டு பேசும் சுல்தானா" பாட்டுக்கு நடனம் ஆடி இருப்பார் நடிகர் அர்ஜுன் தாஸ். இந்த பாடலும் இருவரின் நடனமும் தற்பொழுது இணையத்தில் வைரலாகியுள்ளது.

இந்த நிலையில்,  குட் பேட் அக்லி திரைப்படம் ரூ.200 கோடிகளை கடந்து வசூல் வேட்டையில் கலக்கி வருவதால் படக்குழுவினர் சமீபத்தில் இப்படத்தின் வெற்றி விழாவை சென்னையில் கொண்டாடினர். இதில் கலந்துகொண்ட நடிகர் அர்ஜுன் தாஸ் பேசுகையில், எங்க இருந்து ஆரம்பிப்பது என்று எனக்கு சுத்தமாக தெரியவில்லை. உண்மையாகவே இன்று சுரேஷ் சந்திரா அவர்களின் குழு நிற்கும் இடத்தில் தான் 11 வருடங்களுக்கு முன்பு நான் நின்றுக்கொண்டு இருந்தேன். இன்றைக்கு பலவருட கடின உழைப்பால் இந்த மேடையில் நான் நிற்கிறேன். அஜித் 2013ல் இருந்து என் மேல் அதீத நம்பிக்கை வைத்து இருக்கிறார்.

அவர்தான் இந்த படத்திற்காக என்னை ஆதிக்கிடம் பரிந்துரை செய்தார். ஜாமி கதாபாத்திரத்தை நல்லபடியாக கையாண்டதற்கு பிரியாவுக்கு தான் நன்றி சொல்லவேண்டும். நான் அஜித் சாரோட எல்லா படத்தின் போஸ்டரையும் ஷேர் செய்வேன். அப்படி ஒரு நாள் சுரேஷ் சந்திராவிடம் இருந்து எனக்கு கால் வந்தது. அப்போது 'ஆதிக் உன்னை மீட் பண்ணனும்னு சொன்னாரு. போய் பாருங்க' என சொன்னார் அப்படித்தான் இந்த வாய்ப்பு எனக்கு கிடைச்சது. என நெகிழ்ச்சி பொங்க கூறினார்.

இதையும் படிங்க: அடுத்து லக்கிபாஸ்கராக அவதாரம் எடுக்கும் AK..! இயக்குனரின் கதைக்கு கிரீன் சிக்னல்..!