கல்லூரி படிக்கும்போதே இப்படியா..? டெல்லி முதல்வர் ரேகா குப்தாவின் புகைப்படம்- அதிர்ச்சியூட்டிய காங்கிரஸ் தலைவி..!

ரேகா குப்தாவின் அதிர்ஷ்டம் அவரை உச்சத்திற்கு அழைத்துச் சென்றுள்ளது. முதல் முறையாக எம்.எல்.ஏ ஆன உடனே அவர், இப்போது டெல்லியின் முதல்வராகப் போகிறார் என்பது விதியின் அதிசயம்தான். நேற்று நடைபெற்ற பாஜக சட்டமன்றக் கட்சிக் கூட்டத்தில் அவர் முதல்வராகத் தேர்ந்தெடுக்கப்பட்டார். அவர் டெல்லி சட்டமன்றத் தேர்தலில் ஷாலிமார் பாக் தொகுதியின் எம்.எல்.ஏ-வாக வெற்றி பெற்றார். இன்று டெல்லியில் உள்ள ராம்லீலா மைதானத்தில் அவரது முடிசூட்டு விழா நடைபெறும், ரேகா குப்தா முதலமைச்சராக பதவியேற்பார்.

ஆனால் மாணவர்களுக்காகப் போராடிய ரேகா குப்தா சத்தியப்பிரமாணம் எடுத்த நிகழவும் இப்போது வெளி வந்துள்ளது. அந்த நேரத்தில் ஆயிரக்கணக்கான சக மாணவிகள் அவருடன் இருந்தனர், அதேபோல் இன்றும் சத்தியப்பிரமாணம் எடுக்கப்போகிறார். இப்போது சக கட்சியின் தொண்டர்கள் அவருடன் இருப்பார்கள். ஆனால் இடமும், நிலையும் முற்றிலும் வேறுபட்டது. ரேகா குப்தா தனது அரசியல் பயணத்தை தனது மாணவ பருவத்தில் இருந்தே தொடங்கி விட்டார். இப்போது அவர் டெல்லியின் முதல்வராகப் போகிறார். இந்நிலையில் அவருடன் மாணவர் வாழ்க்கையில் சத்தியப்பிரமாணம் செய்து கொண்ட காங்கிரஸ் தலைவர் அல்கா லம்பா, ஒரு அழகான படத்தைப் பகிர்ந்துகொண்டு மிகவும் தனித்துவமான முறையில் அவரை வாழ்த்தியுள்ளார்.

1995 ஆம் ஆண்டு டெல்லி பல்கலைக்கழக மாணவர் அமைப்பு தேர்தல்களில் அல்கா தலைவராகவும், ரேகா பொதுச் செயலாளராகவும் தேர்ந்தெடுக்கப்பட்டபோது எடுக்கப்பட்ட புகைப்படத்தை அல்கா லம்பா சமூக ஊடகங்களில் பகிர்ந்து கொண்டார். அவர் தனது பதிவில்,''முதல்வராக பதவியேற்ற ரேகா குப்தாவுக்கு வாழ்த்துகள். 1995 ஆம் ஆண்டு ரேகா குப்தாவும், நானும் ஒன்றாகப் பதவியேற்றபோது எடுக்கப்பட்ட மறக்கமுடியாத படம் இது - நான் காங்கிரஸ் மாணவர் பிரிவில் இருந்து டெல்லி பல்கலைக்கழக மாணவர் சங்க தலைவர் பதவியை வென்றேன். ரேகா ஏபிவிபி- யிலிருந்து பொதுச் செயலாளர் பதவியை வென்றார். ரேகா குப்தாவுக்கு வாழ்த்துக்கள். 

காங்கிரஸ் தலைவர் மேலும் கூறுகையில், ''டெல்லி நான்காவது பெண் முதலமைச்சரைப் பெற்றதற்கு வாழ்த்துக்கள். டெல்லிவாசிகளான நாங்கள் யமுனா நதியை போல சுத்தமாக இருப்பார்கள். மகள்கள் பாதுகாப்பாக இருப்பார்கள் என்றும் நம்புகிறோம்'' எனத் தெரிவித்துள்ளார்'

ரேகா குப்தா முதல்வராகப் பொறுப்பேற்றதற்கு அனைவரும் வாழ்த்து தெரிவித்தாலும், காங்கிரஸ் தலைவர் அல்கா லம்பா அவருக்கு வாழ்த்து தெரிவித்த விதம் நிச்சயமாக மிகவும் சிறப்பு வாய்ந்தது. இந்த ஒரு புகைப்படம் இரு தலைவர்களின் பழைய நினைவுகளை மீண்டும் ஒருமுறை புதுப்பித்தது. ரேகா குப்தா மாணவர் அரசியலில் தீவிரமாக இருந்தார். 1992 ஆம் ஆண்டு டெல்லி பல்கலைக்கழகத்தின் தௌலத் ராம் கல்லூரியில் படிக்கும் போது மாணவர் அரசியலில் நுழைந்தார்.

ரேகா குப்தா மாணவர் அரசியலில் தீவிரமாக ஈடுபட்ட நாட்களை அந்த புகைப்படம் நினைவு கூர்ந்தது. ரேகா குப்தா 1992 ஆம் ஆண்டு டெல்லி பல்கலைக்கழகத்தின் தௌலத் ராம் கல்லூரியில் படிக்கும் போது மாணவர் அரசியலில் நுழைந்தார். அவர் அகில பாரதிய வித்யார்த்தி பரிஷத் (ஏபிவிபி) உடன் தொடர்புடையவர். 1996-97ல் டெல்லி பல்கலைக்கழக மாணவர் சங்கத்தின் தலைவரானார்.

சமீபத்தில் நடைபெற்ற சட்டமன்றத் தேர்தலில், டெல்லியின் ஷாலிமார் பாக் தொகுதியில் இருந்து ரேகா குப்தா முதல் முறையாக எம்.எல்.ஏ.வாக தேர்ந்தெடுக்கப்பட்டார். இந்த தொகுதியில் அவர் ஆம் ஆத்மி கட்சி வேட்பாளர் பந்தனா குமாரியை 29,595 வாக்குகள் வித்தியாசத்தில் தோற்கடித்தார்.

காங்கிரஸ் தலைவர் அல்கா லம்பா, டெல்லி சட்டமன்றத் தேர்தலில் போட்டியிட்டார். இருப்பினும், அவர் தோல்வியைச் சந்திக்க வேண்டியிருந்தது. கல்காஜி தொகுதியில் அதிஷியை எதிர்த்து லம்பா போட்டியிட்டார். ஆனால் அவர் தேர்தலில் தோல்வியடைந்து மூன்றாவது இடத்தைப் பிடித்தார்.