வரலாற்று உச்சம்... இனி தங்கம் விலை கேட்டாலே தலை சுத்தும் போலயே...!

தங்கம் விலை இன்று 68 ஆயிரத்தை கடந்துள்ளது நகை வாங்க காத்திருப்போரை பேரதிர்ச்சியில் ஆழ்த்தியுள்ளது. 

நேற்றைய  வர்த்தகத்தின் படி, 22 காரட் ஆபரண தங்கம் கிராம் 8,450 ரூபாய்க்கும், சவரன் 67,600 ரூபாய்க்கும் விற்பனையானது.

தங்கம் விலை நிலவரம் (01/04/2024): 

இன்றைய நிலவரப்படி, (செவ்வாய் கிழமை) 22 காரட் ஆபரண தங்கத்தின் விலை கிராமிற்கு 60 ரூபாய் அதிகரித்து 8 ஆயிரத்து 510 ரூபாய்க்கும், சவரனுக்கு 480 ரூபாய் அதிகரித்து 68 ஆயிரத்து 080 ரூபாய்க்கும் விற்பனையாகி வருகிறது. 

இதையும் படிங்க: ரம்ஜானில் புதிய உச்சம் தொட்ட தங்கம் விலை... ஒரே நாளில் கிடுகிடு உயர்வு...!

இன்றைய வர்த்தகத்தின் போது 24 காரட் சுத்த தங்கத்தின் விலை கிராமிற்கு 65 ரூபாய் அதிகரித்து 9 ஆயிரத்து 283 ரூபாய்க்கும், சவரனுக்கு  520  ரூபாய் அதிகரித்து 74 ஆயிரத்து 264 ரூபாய்க்கும் விற்பனையாகி வருகிறது. 

வெள்ளி விலை நிலவரம்:

கடந்த 3 நாட்களாகவே எவ்வித மாற்றமும் இன்றி நீடித்து வந்த வெள்ளி விலை இன்று உயர்ந்துள்ளது. வெள்ளி விலை கிராமிற்கு ஒரு ரூபாய் உயர்ந்து 114 ரூபாய்க்கும், கிலோவிற்கு ஆயிரம் ரூபாய் உயர்ந்து ஒரு லட்சத்து 14 ஆயிரம் ரூபாய்க்கும் விற்பனையாகிறது. 

உயர்வுக்கான காரணம் என்ன?

அமெரிக்காவில் மேற்கொள்ளப்படும் பொருளாதார கட்டண கொள்கைகள் காரணமாக, மந்தநிலை உருவாகும் என்ற அச்சம் ஏற்பட்டுள்ளது. இதனால் தங்கத்தின் விலை கடுமையாக உயர்ந்தது. இந்த நிலையில் பங்குச்சந்தைகள் பாசிட்டிவாக செயல்பட தொடங்கியதை அடுத்து தங்கத்தின் விலை சரிய தொடங்கி நிலையில் மீண்டும் உயர தொடங்கியுள்ளது.
 

இதையும் படிங்க: இனி தங்கத்தை தொட்டுக்கூட பார்க்க முடியாது போலயே... தங்கம் விலை புதிய உச்சம்...!