இவங்கள தோற்கடிக்க யாரு கூட வேணாலும் கூட்டணி வைப்போம்.. ஒரே போடாக போட்ட எடப்பாடி!!

தவெக கட்சியின் வருகைக்கு பிறகு அரசியல் களம் சூடுபிடித்துள்ளது. தேர்தலுக்கு இன்னும் ஓராண்டு இருக்கும் நிலையில் யாருடன் யார் கூட்டணி வைத்து தேர்தலை சந்திக்க போகிறார்கள் என்பது குறித்து பரபரப்பாக பேசப்பட்டு வருகிறது. இந்த நிலையில் அதிமுக யாருடன் கூட்டணி வைக்க உள்ளது என்பது குறித்த கேள்விக்கு அக்கட்சியின் பொதுச் செயலாளர் எடப்பாடி பழனிசாமி அளித்த பதில் அரசியல் களத்தை அதிர வைத்துள்ளது.

சேலம் மாவட்டம் ஆத்தூரில் செய்தியாளர்களை சந்தித்த அவர், எங்களுக்கு ஒரே எதிரி தி.மு.க. மட்டும் தான். தி.மு.க.வை தவிர வேறு எந்த கட்சியும் எதிரி கிடையாது. திமுகவை வீழ்த்துவதே அதிமுகவின் குறிக்கோள். பாஜகவுடன் அதிமுக கூட்டணி வைப்பது தொடர்பாக கேள்வி கேட்கிறார்கள். திமுகவை வீழ்த்துவதற்கு வாக்குகளை சிந்தாமல் சிதறாமல் பெறுவதற்கு யாருடன் வேண்டுமானாலும் கூட்டணி வைக்கலாம்.

தேர்தலுக்கு 6 மாதத்துக்கு முன்பு கூட்டணி தொடர்பான தகவல்கள் அறிவிக்கப்படும். தேர்தலுக்கு இன்னும் ஒரு வருடம் உள்ளது. கூட்டணி குறித்து அப்போது பார்க்கலாம் என்றார். மேலும் தேமுதிகவுக்கு ஒரு ராஜ்யசபா சீட் கொடுக்கப்படுமா என்பது குறித்து அவர் பேசுகையில், கடந்த மக்களவைத் தேர்தலின் போது மக்களவைத் தொகுதிகள் மட்டுமே ஒதுக்கீடு செய்யப்பட்டிருந்தது.

இதையும் படிங்க: கனிமவளக் கொள்ளையை கண்டித்து அதிமுக சார்பில் 6ஆம் தேதி ஆர்ப்பாட்டம்...!

ஆனால் ராஜ்யசபா சீட்டு குறித்து எந்த தகவலும் தெரிவிக்கவில்லை. எதுவாக இருந்தாலும் தேர்தல் நேரத்தில் பேசிக்கொள்ளலாம். எங்கள் கூட்டணிக்குள் எந்த பிரச்சினையும் இல்லை என்று தெரிவித்தார். தொடர்ந்து பேசிய அவர், தமிழக மீனவர்களை இலங்கை கடற்படை கைது செய்வது கண்டிக்கத்தக்கது. அ.தி.மு.க. ஆட்சியில் மீனவர்கள் பாதுகாக்கப்பட்டனர்.

மீனவர்கள் மீது தாக்குதல் நடத்துவதையும் அவர்களின் உடமைகளை பறிப்பதையும் ஏற்க முடியாது. இந்தியா - இலங்கை அரசுகள் இணைந்து இதற்கு தீர்வு காண வேண்டும். கடலில் எல்லை தெரியாமல் மீன் பிடிப்பவர்களை எச்சரித்துதான் அனுப்ப வேண்டும். கச்சத்தீவை தாரை வார்த்தது யார் என்று அனைவருக்கும் தெரியும் என்று தெரிவித்தார்.  
 

இதையும் படிங்க: அரசியலில் தோற்றுப் போனவர் எடப்பாடி பழனிச்சாமி - ஆவேசமான ஐ.பெரியசாமி...!