ஏலத்தில் வாங்கப்பட்ட தாவூத் இப்ராஹிம் கடை... 23 ஆண்டுகளுக்குப் பிறகு ட்விஸ்ட்... அடங்காத நிழல் உலக தாதாவின் ஆட்டம்..!

உ.பி., மாநிலம் ஃபிரோசாபாத்தில் வசிக்கும் ஹேமந்த் ஜெயின் என்பவர், மும்பையில் நடந்த ஏலத்தில் தாவூத் இப்ராகிமின் 144 சதுர அடி கடையை வாங்கினார். இறுதியாக 23 ஆண்டுகளுக்குப் பிறகு கடையின் உரிமையைப் பெற்றுள்ளார்.

உத்தரபிரதேச மாநிலம் ஃபிரோசாபாத்தில் வசிக்கும் நபர் ஒருவர் 23 ஆண்டுகளுக்குப் பிறகு வாங்கிய கடையின் உரிமையைப் பெற்றுள்ளார்.  இந்தக் கடை மும்பை நிழல் உலக தாதா தாவூத் இப்ராகிமுக்குச் சொந்தமானது. இந்தக் கடையை வருமான வரித்துறை ஏலம் எடுத்தபோது, ​​அதை ஃபிரோசாபாத்தைச் சேர்ந்த ஹேமந்த் ஜெயின் என்பவர் வாங்கினார். நீண்ட சட்டப் போராட்டத்துக்குப் பிறகு இந்தக் கடையின் உரிமையைப் பெற்றார்.

மும்பை ஜெய்ராஜ் பாய் தெரு பகுதியில் 4 அடி குறுகிய தெருவில் 144 சதுர அடி கடை உள்ளது. பாதாள உலக தாதா தாவூத்தின் இந்தக் கடை 2001 செப்டம்பர் 20 அன்று வருமான வரித்துறையால் ஏலம் விடப்பட்டது. அப்போது மூத்த சகோதரர் பியூஷ் உதவியுடன் இந்தக் கடையை ஹேமந்த் ரூ.2 லட்சத்துக்கு வாங்கியுள்ளார். ஆனால் அதன் உரிமையை பெற 23 ஆண்டுகள் ஆனது.

இதையும் படிங்க: களை கட்டுகிறது புத்தாண்டு கொண்டாட்டம்: மும்பை - கோவா நெடுஞ்சாலையில், கடும் போக்குவரத்து நெரிசல்!

ஏலத்தில் சொத்தை வாங்கிய பிறகு, நீண்ட நேரம் போராடியதாக ஹேமந்த் கூறினார். கடையின் உரிமை விவகாரத்தில் வருமான வரித்துறை அதிகாரிகள் கூட தனக்கு ஒத்துழைக்கவில்லை என்று கூறினார். இந்தக் கடையின் உரிமைக்காக ஹேமந்த் தொடர்ந்து போராடினார். கடந்த 2017ம் ஆண்டு சார் பதிவாளர் அலுவலகத்தில் ஏலம் போனது தொடர்பான கோப்பு மாயமானது. பிரதமர் அலுவலகத்துக்கும் பல கடிதங்கள் எழுதியுள்ளார்.

இந்த விவகாரம் தொடர்பாக ஹேமந்த் நீதிமன்றத்தையும் அணுகினார். கடைசியாக, ஐந்து வருடங்கள் ஓடியும் வெற்றி கிடைக்காததால், முழுத் தொகையையும் செலுத்தி சொத்தை மாற்ற முடிவு செய்தார். சுமார் 5 வருடங்கள் முயற்சி செய்து, இறுதியாக 19 செப்டம்பர் 2024 அன்று அவரது பெயரில் பதிவு செய்தார்கள். தற்போது இந்த கடையை தாவூத் இப்ராகிமின் கையாட்கள் ஆக்கிரமித்துள்ளதாக கூறப்படுகிறது. தற்போது இந்த கடையை கையகப்படுத்தும் முயற்சியை ஹேமந்த் தொடங்கியுள்ளார்.

இதையும் படிங்க: இனி வாட்ஸ் அப்பில் டாக்குமெண்ட் ஸ்கேனிங்..சூப்பர் அப்டேட் அறிமுகம்