'தாய்மொழிக்கே முக்கியத்துவம்… இந்தியும் தேவை..' மும்மொழிக் கொள்கைக்கு சந்திரபாபு நாயுடு ஆதரவு..!

தேசிய கல்விக் கொள்கை 2020, அது பரிந்துரைக்கும் மும்மொழி கொள்கை தொடர்பான தற்போதைய விவாதம் குறித்து ஆந்திரப் பிரதேச முதல்வர் என்.சந்திரபாபு நாயுடு தெளிவுபடுத்தி உள்ளார். ஆந்திர  மாநில சட்டமன்றத்தில் உரையாற்றிய அவர், ''மொழி என்பது அறிவின் அளவுகோல் அல்ல, மாறாக தகவல் தொடர்புக்கான ஒரு கருவி'' என்று வலியுறுத்தினார்.

தனது நிலைப்பாட்டை மீண்டும் உறுதிப்படுத்திய சந்திரபாபு நாயுடு, “மொழி வெறுக்கத்தக்க ஒன்றல்ல. எங்கள் தாய்மொழி தெலுங்கு. தேசிய மொழி இந்தி. சர்வதேச மொழி ஆங்கிலம். நமது வாழ்வாதாரத்திற்காக முடிந்தவரை பல மொழிகளைக் கற்றுக்கொள்ள வேண்டும். ஆனால், நமது தாய்மொழியை ஒருபோதும் மறக்கக்கூடாது.

இதையும் படிங்க: என்னை வழிநடத்துவதே கிருஷ்ணரின் போதனைகள்தான்: அமெரிக்க தேசிய புலனாய்வு இயக்குநர் பெருமிதம்..!

இந்தி விஷயத்தில், டெல்லி  உள்ளிட்ட நாட்டின் பிற பகுதிகளில் இந்தி மொழியைக் கற்றுக்கொள்வது தகவல் தொடர்புக்கு பயனுள்ளதாக இருக்கும். இந்தி போன்ற ஒரு தேசிய மொழியைக் கற்றுக்கொண்டால், டெல்லிக்குச் சென்றாலும், சரளமாகப் பேசுவது எளிதாக இருக்கும். தேவையற்ற அரசியல் மொழி கற்றலின் நடைமுறை நன்மைகளை மறைக்கக்கூடாது. இந்த தேவையற்ற அரசியலுக்குப் பதிலாக, தொடர்புக்குத் தேவையான பல மொழிகளை எவ்வாறு கற்றுக்கொள்வது என்பது பற்றி நாம் சிந்திக்க வேண்டும் என்பதை அனைவரும் புரிந்து கொள்ள வேண்டும்.

தாய்மொழியில் பெருமை கொள்பவர்கள் உலகளவில் வெற்றி பெறுகிறார்கள். மொழி என்பது தொடர்புக்கான ஒரு வழிமுறையாகும். மொழியால் நீங்கள் அறிவைப் பெற முடியாது. தங்கள் தாய்மொழியைக் கற்றுக்கொண்டு பெருமையுடன் பேசுபவர்கள்தான் உலகம் முழுவதும் உயர் பதவிகளில் அமர்ந்து இருக்கிறார்கள்" என்று நாயுடு சட்டமன்றத்தில் கூறினார். “நமது தாய்மொழியைக் கற்றுக்கொள்வது எளிது. நான் இந்த சட்டமன்றத்திற்கும் சொல்கிறேன்.

தனிநபர்கள் தங்கள் வாழ்வாதார வாய்ப்புகளை மேம்படுத்த உதவும் வகையில், தேவைப்பட்டால், ஜப்பானிய அல்லது ஜெர்மன் போன்ற கூடுதல் மொழிகளைக் கற்க ஆந்திரப் பிரதேசம் உதவும்'' என்று அவர் கூறினார்.

சமீபத்தில், துணை முதல்வர் பவன் கல்யாண் தேசிய கல்விக் கொள்கை, இந்தி திணிப்பு குறித்த தற்போதைய விவாதம் குறித்தும் கருத்து தெரிவித்தார். மார்ச் 14 அன்று ஜன சேனா கட்சியின் நிறுவன தின கொண்டாட்டங்களில் பேசிய கல்யாண், ''அனைத்து இந்திய மொழிகளின் முக்கியத்துவத்தையும் பாதுகாக்க வேண்டும். தமிழ்நாடு இந்தி மொழிக்கு எதிரானதாக இருந்தால் தமிழ் படங்கள் ஏன் இந்திக்கு மொழிமாற்றம் செய்யப்பட்டன? என்று கேள்வி எழுப்பினார். எந்த மொழியையும் வெறுக்கும் மனநிலை மாற வேண்டும் என்றும் அவர் கூறினார்.

பவன் கல்யாணின் கருத்துக்கள் நடிகரும், அரசியல்வாதியுமான பிரகாஷ் ராஜ் , இந்தி திணிப்பை எதிர்ப்பதற்கும், இந்தி மொழியையே வெறுப்பதற்கும் உள்ள வேறுபாட்டை தெளிவுபடுத்தினார். அவர் எக்ஸ்தளப்பதிவில், ''உங்கள் இந்தியை எங்கள் மீது திணிக்காதீர்கள்’ என்று சொல்வது மற்றொரு மொழியை வெறுப்பதற்குச் சமமல்ல. இது நமது தாய்மொழியையும், நமது கலாச்சார அடையாளத்தையும் பெருமையுடன் பாதுகாப்பது பற்றியது” என்று பிரகாஷ் ராஜ் கூறினார்.

இதையும் படிங்க: 41 நாடுகளுக்கு பயணத் தடை; விதிக்கப்போகும் டொனால்ட் டிரம்ப் - எந்தெந்த நாடுகள்.?