மெயின் டீமாம்..! பாஜக பெண் நிர்வாகியுடன் செல்ஃபி... முகமெல்லாம் மலர்ந்த சீமான்..!

சீமான், நாம் தமிழர் கட்சியின் தலைமை ஒருங்கிணைப்பாளராக, தமிழ் தேசியம், தனித்துவத்தை முன்னிறுத்தி அரசியல் செய்து வருகிறார். பாஜகவோ, இந்திய அளவில் தேசியவாத கொள்கைகளை முன்னெடுக்கும் ஒரு கட்சியாக உள்ளது. இந்நிலையில் அவ்வப்போது பாஜகவின் பி டீம் என விமர்சனங்களும், பல்வேறு கருத்துகளும் முன் வைக்கப்படுகிறது. 

சீமான் பொதுவெளியில் பாஜகவை விமர்சித்து பேசிய நிகழ்வுகள் பல உள்ளன. உதாரணமாக, அவர் பாஜகவின் மத்திய அரசு கொள்கைகளான நீட் தேர்வு, புதிய கல்விக் கொள்கை, மாநில உரிமைகளை பறிக்கும் முயற்சிகள் குறித்து கடுமையாக எதிர்ப்பு தெரிவித்துள்ளார். அதே சமயம், சில சந்தர்ப்பங்களில் பாஜக தலைவர்களுடனான சந்திப்புகள், அவர்களின் பாராட்டு வார்த்தைகள் காரணமாக, சீமான் பாஜகவுடன் மறைமுகமாக இணைந்திருகிறாரா? என்கிற சந்தேகங்களும் கிளப்பப்பட்டு வருகின்றன.

சில நாட்களுக்கு முன்பு எஸ்.ஆர்.எம் கல்லூரி நிகழ்ச்சியில் சீமான், பாஜக மாநிலத் தலைவர் அண்ணாமலையை "தமிழகத்தில் பாஜகவை வளர்க்கும் தம்பி" என்று புகழ்ந்தார். அதற்கு பதிலாக அண்ணாமலை "சீமான் தமிழில் தேசியத்தை பார்க்கிறார்" என்று வர்ணித்தார். இது போன்ற நிகழ்வுகள் சிலருக்கு சீமான், பாஜக இடையே ஒரு நெருக்கம் இருப்பதாக தோன்றினாலும், சீமான் தனது பேட்டியில் "கோட்பாட்டளவில் பாஜகவுடன் தான் ரொம்ப தூரத்தில் இருப்பதாக" கூறியுள்ளார்.

இதையும் படிங்க: தலைவர் பதவி: அண்ணாமலை அவுட்... நயினாருக்கு ஆப்பு... விதியை மாற்றிய பாஜக..!

மறுபுறம், சீமானை பாஜகவின் "பி டீம்" என்று விமர்சிக்கும் எதிர்க்கட்சியினரின் குற்றச்சாட்டுகளும் உள்ளன. ஆனால், இதற்கு உறுதியான ஆதாரங்கள் இல்லை. இது அரசியல் எதிர்ப்பு உத்தியாகவே பார்க்கப்படுகிறது. சீமான் தனது கட்சியை தனித்து நிறுத்தி, கூட்டணிகள் இன்றி தேர்தல்களில் போட்டியிடுவது அவரது கொள்கையை வலியுறுத்துவதாகவே அவரது ஆதரவாளர்கள் கருதுகின்றனர்.

முடிவாக, சீமான் மற்றும் பாஜக இடையே உள்ள உறவு என்பது தெளிவான நட்பு அல்லது எதிர்ப்பு என்று ஒரேயடியாக சொல்ல முடியாத சிக்கலானது. இது சூழல், அரசியல் நிகழ்வுகளைப் பொறுத்து மாறுபடுகிறது. இந்நிலையில்,  சீமானுடன் எடுத்துக் கொண்ட செல்ஃபி புகைப்படத்தை பகிர்ந்துள்ளார் பாஜகவின் விளையாட்டு மற்றும் திறன் மேம்பாட்டுப் பிரிவின் மாநிலச் செயலாளர் அலிஷா அப்துல்லா. அதில் "With the Main team" என்றும் கண்டிப்பாக அரசியல் கிடையாது என்றும் தெரிவித்துள்ளார் அலிஷா அப்துல்லா.

இதே அலிஷா அப்துல்லாதான் கடந்த பிப்ரவரி மாதம், ''இந்துக்கள் தமிழர்கள் தான். ஆனால் சீமான் தமிழர் இல்லை'' என விமர்சித்து இருந்தார்.

முன்பு நாம் தமிழர் கட்சியில் இருந்த காளியம்மாள் பாஜகவை சேர்ந்த அலிஷா அப்துல்லாவுடன் உணவருந்தும் புகைப்படத்தை திமுகவினர் ஷேர் செய்து விமர்சித்து வந்தனர். பொது நிகழ்ச்சிகளில் அரசியல் தலைவர்கள் நலம் விசாரித்துக் கொள்வதையும், சாதாரணமாக பேசிக்கொள்வதை கூட கொள்கைக்கு துரோகம் செய்வதை போல சோசியல் மீடியாவில் கிளப்பி விடுகின்றனர். 

இதையும் படிங்க: நிதிஷ் குமாரை துணைப் பிரதமராக்க வேண்டும்... பாஜகவில் கிளம்பிய பகீர் குரல்..!