கோட்சேவை புகழ்ந்த பேராசிரியை… சைஜா ஆண்டவனுக்கு பரிசாகக் கிடைத்த 'டீன்' பதவி..!

மகாத்மா காந்தியின் நினைவு நாளில், 'இந்தியாவைக் காப்பாற்றியதற்காக கோட்சேவை நினைத்துப் பெருமைப்படுகிறேன்' எனப் பதிவிட்டு சர்ச்சையை கிளப்பிய கோழிக்கோடு என்.ஐ.டி பேராசிரியர் ஷைஜா, அதே என்.ஐ.டி டீனாக நியமனம் செய்யப்பட்ட முடிவைத் திரும்பப் பெறக்கோரி காங்கிரஸ் உள்ளிட்ட பல்வேறு கட்சிகள் கண்டனம் தெரிவித்து போராட்டங்களை அறிவித்துள்ளன.

மார்ச் 7 முதல் திட்டமிடல் மற்றும் மேம்பாட்டுத் துறையின் டீனாக டாக்டர் ஷைஜா ஏ நியமிக்கப்பட்டுள்ளார். நாதுராம் கோட்சேவைப் புகழ்ந்ததற்காக கடந்த ஆண்டு குற்றம்சாட்டப்பட்ட தேசிய தொழில்நுட்பக் கழக (என்ஐடி) பேராசிரியர் ஷைஜா, திட்டமிடல் மற்றும் மேம்பாட்டுத் துறையின் டீனாக நியமிக்கப்பட்டுள்ளார். என்ஐடி காலிகட் இயக்குநர் பிறப்பித்த உத்தரவில், தற்போதைய டீன் டாக்டர் பிரியா சந்திரனுடன் மார்ச் 7 ஆம் தேதி வரை ஷைஜா இணைந்து "சுமூகமான மாற்றத்தை" ஏற்படுத்துவார் என்று கூறப்பட்டுள்ளது. 

இந்த முடிவுக்கு அரசியல் கட்சிகளிடமிருந்து கடுமையான எதிர்ப்புகள் கிளம்பியுள்ளன. சிபிஐ(எம்) இளைஞர் பிரிவான டிஒய்எஃப்ஐ, என்ஐடிக்கு எதிர்ப்பு பேரணி நடத்துவதாக அறிவித்துள்ளது.

இதையும் படிங்க: சென்னை சென்ட்ரல் - கும்மிடிப்பூண்டி ரயில் சேவை ரத்து! ரயில்வே நிர்வாகம் அறிவிப்பு!!

ஜனவரி 30 அன்று காலிகட் என்ஐடியில் இயந்திர பொறியியல் துறையின் மூத்த பேராசியரான ஷைஜா, "இந்தியாவைக் காப்பாற்றியதற்காக கோட்சேவைப் பற்றி பெருமைப்படுகிறேன்" என்று பேஸ்புக்கில் ஒரு கருத்தைப் பதிவிட்டார். இந்து மகாசபை ஆர்வலர் நாதுராம் விநாயக் கோட்சே, இந்தியாவில் பலரின் நாயகன் என்று கோட்சேவின் புகைப்படத்தை வெளியிட்ட கிருஷ்ண ராஜ் என்ற வழக்கறிஞர் பதிவில் அவர் கருத்து தெரிவித்திருந்தார்.சர்ச்சையைத் தொடர்ந்து, பேராசிரியர் தனது கருத்தை நீக்கிவிட்டார்.

பேராசிரியர் ஷைஜா மீது நகரின் பல காவல் நிலையங்களில் எஸ்.எஃப்.ஐ,கேரளா மாணவர் சங்கம் மற்றும் முஸ்லிம் மாணவர் அமைப்பு உள்ளிட்ட பல்வேறு மாணவர் அமைப்புகள் பல புகார்கள் அளித்தன. அதைத் தொடர்ந்து அவர் மீது வழக்கு பதிவு செய்யப்பட்டது.

ஷைஜா மீதான அந்த வழக்கு தற்போது காவல் நிலையத்தில் நிலுவையில் உள்ளது. சாத்தமங்கலத்தில் உள்ள அவரது வீட்டில் குன்னமங்கலம் போலீசார் அவரை விசாரித்தனர். குன்னமங்கலம் நீதிமன்றம் அவருக்கு முன்ஜாமீன் வழங்கியது. போலீசார் ஐபிசி பிரிவு 153 (கலவரத்தை ஏற்படுத்தும் நோக்கத்துடன் தூண்டுதல் மட்டும் செய்தல்) இன் கீழ் வழக்கு பதிவு செய்தனர்.

அதிகாரப்பூர்வ உத்தரவின்படி, இந்த நியமனம் ஆரம்பத்தில் இரண்டு ஆண்டுகளுக்கு, மறு உத்தரவு வரும் வரை தொடரும். சர்ச்சையின் போது, கோழிகோடு தேசிய தொழில்நுட்ப நிறுவனம் இந்த விஷயத்தை விசாரிக்க ஒரு குழுவை அமைத்தது. குழுவின் விசாரணை அடிப்படையில் தகுந்த நடவடிக்கை எடுக்கப்படும் என்று நிறுவனம் உறுதியளித்தது. மகாத்மா காந்தியின் கொள்கைகள் மற்றும் மரியாதைகளுக்கு எதிரான எந்தவொரு கருத்தையும் நிறுவனம் ஆதரிக்கவில்லை என்றும் என்.ஐ.டி தெளிவுபடுத்தியது.

"கேள்விக்குரிய கருத்து தொடர்பான புகார்களைத் தீர்க்க, சம்பவத்தின் பல்வேறு அம்சங்களை முழுமையாக விசாரிக்க நிறுவனம் ஒரு குழுவை அமைத்துள்ளது. இது ஒரு விரிவான அறிக்கையைத் தயாரிக்கும், மேலும் அதன் விசாரணைகளின் அடிப்படையில், உயர் அதிகாரிகளால் பொருத்தமான நடவடிக்கை எடுக்கப்படும்" என என்.ஐ.டி அறிக்கையில் மேலும் கூறப்பட்டுள்ளது.

இதையும் படிங்க: விஜய் சொன்ன 1967, 1977 ரிப்பீட்டு ஆகுமா.? அன்று அண்ணாவும் எம்.ஜி.ஆரும் எப்படி சாதித்தனர்.?