பீகார் இந்தியாவின் ஒரு பகுதி இல்லையா.? 'பீகார் பட்ஜெட்' விமர்சனங்களுக்கு நிதியமைச்சர் பதிலடி.!

பட்ஜெட் 2025 தொடர்பாக மத்திய நிதியமைச்சர் நிதியமைச்சர் நிர்மலா சீதாராமன் பேட்டி அளித்தார். அதில், "அமெரிக்க முன்னாள் அதிபர் ஆபிர​காம் லிங்​க​னின் காலத்​தால் அழிக்க முடியாத ஒரு சொற்​றொடர்படி ‘‘மக்​களின் அரசாங்​கம், மக்களால், மக்களுக்கு’’ அளிக்​கப்​பட்ட பட்ஜெட் இது. மக்களின் குரலை அடிப்​படை​யாகக் கொண்டே இந்த பட்ஜெட்டை தயாரித்தோம். தேர்தலை மனதில் வைத்துதான் இந்த பட்ஜெட்டை உருவாக்​கியிருப்பதாக சொல்கிற கருத்துகளை நான் ஏற்க​வில்லை.

பீகாருக்கு மட்டும்தான் தேர்தல் வருகிறதா? அசாம் மாநிலத்​துக்​கும்தான் தேர்தல் வருகிறது. அதிக மக்கள்​தொகை கொண்ட மற்றும் நாளந்தா ராஜ்கிர் கலாச்சார மையங்​களைக் கொண்ட மாநிலம் பீகார். இவ்வளவு செழுமை இருந்​தும் அந்த மாநிலத்​தில் இதுவரை ஒரு நல்ல சர்வதேச விமான நிலையம் கிடையாது. இதற்கு நாமெல்​லாம் பொறுப்பு இல்லையா? அந்த மக்களுக்கு இதை நாம் கொடுக்க வேண்​டாமா? பீகார் இந்தியா​வின் ஒரு பகுதி இல்லை​யா? பீகார் தொழிலா​ளர்கள் நாடு முழு​வதும் இருக்கிறார்கள்.  அவர்​கள் தங்​களுடைய சொந்த ஊர்களில் வேலை செய்ய ​திட்​டங்களை வகுக்க வேண்​டாமா?" என்று நிர்மலா சீதாராமன் பதிலடி கொடுத்துள்ளார்.

2025ஆம் ஆண்டுக்கான மத்திய பட்ஜெட்டை  நாடாளுமன்றத்தில் நிதியமைச்சர் நிர்மலா சீதாராமன் பிப்.1இல் தாக்கல் செய்தார். கடந்த ஆண்டு மோடி அரசு அமைந்த பிறகு தாக்கல் செய்யப்பட்ட பட்ஜெட்டில், ஆந்திரா, பீகார் மாநிலங்களுக்கு அதிக அளவிலான நிதி ஒதுக்கீடு , திட்டங்கள் அறிவிக்கப்பட்டன. இந்நிலையில், இந்த ஆண்டு பீகாரில் சட்டமன்றத் தேர்தல் நடைபெற உள்ளது. எனவே, அங்கு புதிய விமான நிலையம், பாட்னா ஐஐடி விரிவாக்கம், தொழிற்சாலைகள், வேளாண் திட்டங்கள் என்று பட்ஜெட்டில் தாராளம் காட்டப்பட்டுள்ளது.

இதையும் படிங்க: 2026 தேர்தல் சட்டமன்ற தேர்தல்.. திமுகவை வீழ்த்த அரசியல் கட்சிகளுக்கு பாஜக அழைப்பு.. ஏற்குமா கட்சிகள்.?

மத்தியில் பாஜக தலைமையிலான தேசிய ஜனநாயக கூட்டணி ஆட்சியில் பீகார் முதல்வர் நிதிஷ்குமாரின் பங்கு முக்கியமானது. இதனால் பீகாருக்கு பாஜக அரசு முக்கியத்துவம் அளிப்பதாக கூறப்படுகிறது. இதனால் எதிர்க்கட்சிகள் மத்திய அரசை கடுமையாக சாடி வருகின்றன. இது இந்திய நாடு முழுமைக்குமான பட்ஜெட்டா, பீகாருக்கான பட்ஜெட்டா என எதிர்க்கட்சிகள் விமர்சித்து வருகின்றன. இந்நிலையில் நிர்மலா சீதாராமன் இவ்வாறு பதில் அளித்துள்ளார்.

இதையும் படிங்க: பட்ஜெட்டில் பீகாருக்கு கிடைத்தது போல ஆந்திராவுக்கு ஏன் வாங்கல.. சந்திரபாபு நாயுடுவை வறுத்தெடுக்கும் ஒய்.எஸ்.ஆர். காங்கிரஸ் கட்சி.!