ஆளுநருக்கு எதிரான தீர்ப்பு.. திகைத்து போய் சைலண்ட் மோடில் அதிமுக.. விளாசும் திமுக கூட்டணி கட்சி!

தமிழக ஆளுநருக்கு எதி​ராக உச்ச நீதி​மன்​றம் அளித்த தீர்ப்பை அனை​வரும் வரவேற்றுள்ளனர். ஆனால், அதி​முக மட்​டும் செய்வதறியாது திகைத்து, அமை​தி​யாக உள்ளது என்று இந்​திய கம்​யூனிஸ்ட் கட்​சி​யின் மாநிலச் செய​லா​ளர் இரா. முத்தரசன் தெரிவித்துள்ளார்.

இரா.​முத்​தரசன் நாகை​யில் செய்​தி​யாளர்​களைச் சந்தித்தார். அப்போது அவர் கூறுகையில், "அகில இந்​திய விவ​சா​யிகள் சங்​க​ மா​நாடு வரும் 15, 16, 17 ஆகிய தேதி​களில் நாகை​யில் நடை​பெற உள்​ளது. இதில் கட்​சி​யின் தேசிய பொதுச் செய​லா​ளர் டி.​ராஜா, தமிழக அமைச்​சர்​கள் எம்​ஆர்​கே.பன்​னீர்​செல்​வம், அன்​பில் மகேஸ் பொய்​யாமொழி, கேரள மாநில அமைச்​சர்​கள், பல்​வேறு மாநிலங்​களில் இருந்து முக்​கிய தலை​வர்​கள் பங்​கேற்​க உள்ளனர்.

பாஜக​வின் நிர்​பந்​தம் காரண​மாகவே தமிழக அரசுக்கு எதி​ராக அதி​முக பொதுச் செய​லா​ளர் பழனி​சாமி பேசி வரு​கிறார். தமிழக ஆளுநருக்கு எதி​ராக உச்ச நீதி​மன்​றம் அளித்த தீர்ப்பை அனை​வரும் வரவேற்றுள்ளனர். ஆனால், அதி​முக மட்​டும் செய்வதறியாது திகைத்து, அமை​தி​யாக உள்ளது.

இதையும் படிங்க: ஆளுநரை மாற்றும் பேச்சுக்கே இடமில்லை.. 2026இல் புதிய முதல்வருக்கு பதவி பிரமாணம் செய்து வைப்பார்.. பாஜக அதிரடி!!

பாஜக​வுடன் பகை ஏற்​பட்​டு​விடும் என்​ப​தற்​காகவே நீட் தொடர்​பான அனைத்​துக் கட்​சிக் கூட்​டத்தையும் எடப்பாடி பழனி​சாமி புறக்​கணித்​துள்​ளார். இவற்​றுக்கு பாஜக​வின் நிர்​பந்​தமே காரணம். தமிழகத்​தில் காலூன்ற முடி​யவில்லை என்​ப​தால் சீமானை தங்​கள் பக்​கம் இழுக்க பாஜக முயற்​சிக்​கிறது" என்று முத்தரசன் தெரிவித்தார்.

இதையும் படிங்க: ஆளுநர் ஆர்.என். ரவியை உடனே வீட்டுக்கு அனுப்புங்க.. மத்திய அரசுக்கு சிபிஎம் அட்வைஸ்.!