இஸ்லாமியர்களின் நம்பிக்கையை வலுப்படுத்தும் மோடி: நன்றி தெரிவித்த 'தாவூதி போஹ்ரா' பிரதிநிதிகள்

தாவூதி போஹ்ரா சமூகத்தைச் சேர்ந்த பிரதிநிதிகள் பிரதமர் நரேந்திர மோடியைச் சந்தித்து வக்ஃப் சட்டத்தில் சமீபத்தில் செய்யப்பட்ட திருத்தங்களுக்கு நன்றி தெரிவித்தனர். ''இந்தத் திருத்தங்கள் சங்கத்தின் நீண்டகால கோரிக்கைகளில் ஒன்று. இவற்றை நிறைவேற்றுவதன் மூலம் பிரதமர் தங்கள் நம்பிக்கையை வலுப்படுத்தியுள்ளார்'' என்று தெரிவித்தனர்.

பிரதமரின் 'சப்கா சாத், சப்கா விகாஸ், சப்கா விஸ்வாஸ்' என்ற கொள்கையில் முழு நம்பிக்கை தெரிவித்த குழு, அரசு எடுக்கும் முடிவுகள் அனைத்துப் பிரிவுகளின் உள்ளடக்கம், முன்னேற்றத்தின் நோக்கத்தை பிரதிபலிக்கிறது என்று கூறினர். பிரதமர் மோடியின் தலைமையில் நாட்டில் நடைபெற்று வரும் நேர்மறையான மாற்றங்களை அவர்கள் பாராட்டினர். சமூகத்தின் சார்பாக அவர் மேற்கொண்ட முயற்சிகளுக்கு நன்றி தெரிவித்தார். தாவூதி போஹ்ரா சமூக பிரதிநிதிகளுடனும் பிரதமர் கலந்துரையாடினார். தேசிய நலனுக்காக தாவூதி போஹ்ரா சமூகத்தினர் ஆற்றும் பங்களிப்பைப் பாராட்டிய பிரதமர், அனைத்து சமூகங்களின் வளர்ச்சிக்கும் அரசு எப்போதும் உறுதிபூண்டுள்ளது என்பதை உறுதியளித்தார்.

வக்ஃப் (திருத்த) மசோதா, 2025, நாடாளுமன்றத்தின் இரு அவைகளாலும் அங்கீகரிக்கப்பட்ட பின்னர் ஜனாதிபதியும் ஒப்புதல் அளித்துள்ளார்.  அரசு அதை செயல்படுத்த  அறிவிப்பையும் வெளியிட்டுள்ளது. ஆனாலும் உச்ச நீதிமன்றம் அதன் சில விதிகளுக்கு இடைக்காலத் தடை விதித்துள்ளது. வக்ஃப் திருத்தச் சட்டம் தொடர்பாக நாட்டின் சில பகுதிகளில் போராட்டங்கள் நடந்ததாகவும் தகவல்கள் தெரிவிக்கின்றன. மேற்கு வங்கத்தின் பல பகுதிகளில், குறிப்பாக முர்ஷிதாபாத், சுதி, துலியன், ஜாங்கிபூர் உள்ளிட்ட இடங்களில் வன்முறை சம்பவங்கள் நடந்துள்ளன. திருத்தங்களில் அதிருப்தி அடைந்த சிலர் இதை முஸ்லிம் விரோதம் என்று அழைக்கின்றனர்.

இதையும் படிங்க: தமிழக ஆளுனர் ரவி திடீர் டெல்லி பயணம்..! பிரதமரை சந்திக்க திட்டம்..?

இந்த விவகாரம் இப்போது உச்ச நீதிமன்றத்தையும் எட்டியுள்ளது. தொடர்ந்து இரண்டாவது நாளாக வழக்கை விசாரித்த இந்திய தலைமை நீதிபதி நீதிபதி சஞ்சீவ் கன்னா, நீதிபதி சஞ்சய் குமார் மற்றும் நீதிபதி கே.வி. விஸ்வநாதன் தலைமையிலான அமர்வு, மத்திய அரசுக்கு பதில் அளிக்க ஏழு நாட்கள் அவகாசம் அளித்துள்ளது. இந்தக் காலகட்டத்தில் வக்ஃப் வாரியத்தில் எந்தவிதமான அறிவிப்பு நீக்கமோ அல்லது புதிய நியமனமோ இருக்காது என்று அரசு நீதிமன்றத்தில் உறுதியளித்தது. இப்போது அடுத்த விசாரணை மே 5 ஆம் தேதி நடைபெறும்.

இதையும் படிங்க: தமிழக ஆளுனர் ரவி திடீர் டெல்லி பயணம்! பிரதமரை சந்திக்க திட்டம்?