டெல்லி முதல்வர் இல்ல புதுப்பிப்பு முறைகேடு; "ரூ.40 கோடி ஊழல்; கெஜ்ரிவாலின் 'கருப்பு பக்கங்கள்' அம்பலம்"என பாஜக கடும் தாக்கு...

கெஜ்ரிவாலின் கருப்பு பக்கங்கள் அம்பலப்படுத்தப்பட்டு இருப்பதாகவும் ஏறத்தாழ 40 கோடி ரூபாய் வரை ஊழல் நடந்திருப்பதாகவும் பாஜக குற்றம் சாட்டி இருக்கிறது. 

இந்த முறைகேடு புகாரைத் தொடர்ந்து சட்டமன்ற தேர்தலில் கெஜ்ரிவால் தலைமையிலான ஆம் ஆத்மி கட்சி பின்னடைவை சந்திக்கலாம் என அரசியல் நோக்கர்கள் கருதுகிறார்கள்.

டெல்​லி​யில் ஆம் ஆத்மி கட்சி ஆட்சி​யில் உள்ளது. முதல்​வராக அரவிந்த் கெஜ்ரிவால் பதவி வகித்​தார். அவருக்கு ஒதுக்​கப்​பட்ட அரசு இல்லத்தை புதுப்பிக்க கோடிக்​கணக்கான ரூபாயை வீணாக செலவு செய்​ததாக பாஜக, காங்​கிரஸ் கட்சிகள் தொடர்ந்து குற்றம் சாட்டி வருகின்றன. 

இந்நிலை​யில், மத்திய கணக்​குத் தணிக்கை​யாளர் (சிஏஜி) நடத்திய ஆய்வில் பல கோடி ரூபாய் வரை கூடுதல் செலவு செய்​துள்ளதாக குற்றம் சாட்​டப்​பட்​டுள்​ளது.

இதையும் படிங்க: பெண் பத்திரிக்கையாளர்களுக்கு எதிராக அவதூறு…எஸ்.வி.சேகர் சிறைத்தண்டனையை உறுதி செய்தது உயர் நீதிமன்றம்

இதுகுறித்து சிஏஜி அறிக்கை​யில் கூறப்​பட்​டுள்ள​தாவது:-

"டெல்லி முதல்வர் அரசு இல்லத்தை புதுப்​பிக்க ரூ.7.9 கோடி நிர்​ண​யிக்​கப்​பட்​டது. ஆனால், ரூ.33 கோடி செலவிடப்​பட்​டுள்​ளது. முதல்வர் இல்லத்​தைப் புதுப்​பிக்​கும் பணி கடந்த 2020-ம் ஆண்டு தொடங்​கியது. அதில் ரூ.28.9 லட்சத்​துக்கு 88 இஞ்ச் எல்ஜி டிவி பொருத்​தப்​பட்​டுள்​ளது. அத்துடன், சோனி உட்பட பல்வேறு நிறு​வனங்​களின் 10 டிவி.க்கள் ரூ.43.9 லட்சத்​துக்கு வாங்​கப்​பட்​டுள்​ளது.

 ரூ.3.2 லட்சத்​தில் பல கதவுகள் கொண்ட பிரிட்ஜ், ரூ.1.8 லட்சத்​தில் மைக்ரோ ஓவன், ரூ.6.5 லட்சத்​தில் ஸ்டீம் ஓவன், ரூ.1.9 லட்சத்​தில் வாஷிங் மெஷின், ரூ.13 லட்சத்​தில் 10 படுக்கை, சோபாக்கள் வாங்​கப்​பட்​டுள்ளன.

அத்துடன் டெல்லி முதல்வர் இல்லத்​தில் ஆடம்பர குளியல் தொட்டி (ஜாகுஸ்​ஸி), நீராவி குளியல் (சானா), மசாஜ் அறை (ஸ்பா) போன்ற​வற்றை பொதுப் பணித் துறை நிறு​வி​யுள்​ளது. அத்துடன் வேலை​யாட்கள் தங்க ரூ.19.8 கோடி​யில் 7 விடு​திகள் கட்டப்​பட்​டுள்ளன. டெல்லி முதல்வர் இல்லத்​தைப் புதுப்​பிக்​கும் பணி கடந்த 2023-ம் ஆண்டு ஜூன் மாதம் வரை நீடித்​துள்ளது".

இவ்வாறு சிஏஜி அறிக்கை​யில் கூறப்​பட்​டுள்​ளது.

மேலும் ஆடம்பர பொருட்​கள், ஓவியங்​கள், கலைப் பொருட்கள் என ஏராளமாக வாங்கி முதல்வர் இல்லம் அலங்​கரிக்​கப்​பட்​டுள்​ளது. முதல்வர் அரசு இல்லத்​துக்கு செலவிடப்​பட்ட தொகை, கிடைத்த ஆவணங்​களின் அடிப்​படை​யில் கணக்​கிடப்​பட்​டுள்ளது என்றும், நிறைய ஆவணங்கள் இல்லை என்று சிஏஜி கூறி​யுள்​ளது. 

இந்த அறிக்கை டெல்லி துணை நிலை ஆளுநரிட​மும் சமர்ப்​பிக்​கப்​பட்​டுள்​ளது. பொதுப் பணித் துறை செய்த பணிகள் பல முறை மாற்​றப்​பட்​டுள்​ளது. இதில் பல்வேறு முறை​கேடுகள் நடைபெற்றுள்ளதை சிஏஜி அறிக்கை சுட்​டிக் காட்​டி​யுள்​ளது. 

அதைத்தொடர்ந்து கெஜ்ரிவாலுக்கு எதிராக பாஜக கடும் தாக்குதலை கொடுத்துள்ளது. பாஜக மாநில தலைவர் வீரேந்திர சச் தேவா இது குறித்து செய்தியாளர்களிடம் பேசுகையில், "முதல்வரின் இல்லம் தொடர்பாக 139 கேள்விகளை சிஏஜி அறிக்கை எழுப்பி, இதன் மூலம் கெஜ்ரிவாலின் கருப்பு பக்கங்களை அம்பலப்படுத்தியதாக" அவர் குற்றம் சாட்டியிருக்கிறார். 

ரூ. 40 கோடி வரை முறைகேடு

இது குறித்து ஆம் ஆத்மி கட்சியில் இருந்து உடனடியாக எந்த பதிலும் வரவில்லை. வீரேந்திர சச்தேவா மேலும் கூறுகையில், "2022 ஆம் ஆண்டின் அறிக்கை முதல்வர் இல்லத்துக்கு 33.86 கோடி ரூபாய் செலவழித்ததாக குறிப்பிடுகிறது ஆனால் உண்மையான செலவு மிக அதிகமாக இருந்தது இந்த அறிக்கை 2022 ஆம் ஆண்டு வரையிலான சில இடங்களை பற்றியது 2023 மற்றும் 2024 ஆம் ஆண்டுக்கான செலவுகள் குறித்து எந்த தகவலும் இல்லை எங்கள் தகவலின் படி பங்களாவில் உள்ள பொருட்களின் இருப்பை சேர்த்தால் உண்மையான செலவு 75 முதல் 80 கோடி வரை இருக்கும் என்றும் குற்றம் சாட்டினார்.

சிஏஜி யின் அறிக்கையை தொடர்ந்து டெல்லி சட்டசபை தேர்தலில் ஆம் ஆத்மி கட்சிக்கு பின்னடைவு ஏற்படலாம் என அரசியல் பார்வையாளர்கள் கருத்து தெரிவித்துள்ளனர்.

இதையும் படிங்க: தந்தையை மாற்றியவர், டெல்லி முதல்வர் அதிஷா" : 'பிரியங்கா கன்னம் கவர்ச்சி பேச்சை' தொடர்ந்து, மீண்டும் சர்ச்சையில் சிக்கிய பாஜக தலைவர்;