'எமர்ஜென்சி' படத்தில், இந்திரா காந்தி வேடத்தில் நடித்த கங்கனா ரனாவத்; பிரியங்காவை சந்தித்து, படம் பார்க்க, அழைப்பு விடுத்தார்

நடிகையாக இருந்து அரசியலுக்கு வந்த கங்கனா ரனாவத், தற்போது பாஜக எம்பியாக இருந்து வருகிறார். விரைவில் திரைக்கு வரவிருக்கும் எமர்ஜென்சி திரைப்படத்தில்  அவர் இந்திரா காந்தி வேடத்தில் நடித்திருக்கிறார். 

இந்த நிலையில் அவர் நாடாளுமன்றத்தில் பிரியங்கா காந்தியை சந்தித்து பேசிய தகவலை வெளியிட்டு இருக்கிறார். அது குறித்து அவர் கூறும்போது, எமர்ஜென்சி படத்தை பார்க்க வேண்டும் என்று அவருக்கு அழைப்பு விடுத்தேன்.

அதற்கு அவர் மிகவும் கனிவுடன் ‘நிச்சயமாக , பார்க்கலாம்’ என்றார். அதைத் தொடர்ந்து நான்  படம் உங்களுக்கு பிடிக்கும்" என்று கூறியதாக தெரிவித்தார்.

இதையும் படிங்க: இணையத்தை கலக்கும் காதலிக்க நேரமில்லை ட்ரெய்லர்.. யூ டியூபில் 2 மில்லியன் பார்வையாளர்களை கடந்து அசத்தல்.....

இந்திரா காந்தியை திரையில் சித்தரிக்க எடுத்துக்கொண்ட சிரத்தை குறித்து கூறும்போது, "இது ஓர் அத்தியாயத்தின், ஓர் ஆளுமையின் மிகவும் உணர்வு பூர்வமான மற்றும் விவேகமான சித்தரிப்பு என்றே நம்புகிறேன். இந்திரா காந்தியை திரையில் கண்ணியமாக சித்தரிப்பதில் நான் அதிக கவனத்துடன் இருந்தேன்.

அவர் குறித்த எனது ஆய்வில் தனது தனிப்பட்ட வாழ்வில் கணவர், நண்பர்கள் மற்றும் சர்ச்சைக்குரிய சமன்பாடுகளுடனான உறவுகளில் தனித்த கவனம் செலுத்தியதை நான் கவனித்தேன். ஒரு நபருக்குள் இன்னும் நிறைய இருக்கிறது என்று நான் நினைத்துக்கொண்டேன்.

பெண்கள் என்று வரும்போது, அவர்கள் எப்போதும் தங்களைச் சுற்றியுள்ள ஆண்களுடைய சமன்பாடுகள் மற்றும் சந்திப்புகளுக்குள்ளேயே தள்ளப்படுகிறார்கள். அதனால் நான் அவைகளுக்குள் எல்லாம் சிறப்பு கவனம் செலுத்தினேன்" என்று தெரிவித்தார். 

பேட்டியின் போது இந்திரா காந்தியை 'நெப்போடிச'த்தின் (சொந்த பந்தங்களுக்கு உயர்பதவி வழங்குபவர்) தயாரிப்பு என்றும் விமர்சித்தார். 

இந்தப் படத்தில் அவர் கதாநாயகியாக மட்டும் நடிக்காமல் எழுதி இயக்கியும் இருக்கிறார். அனுபவம் மிக்க அனுபம் கேர், மகிமா சவுத்ரி, மிலிந்த் சோமன், ஸ்ரேயாஸ் தல்படே, விஷக் நாயர் மற்றும் மறைந்த சதீஷ் கௌஷிக் உள்ளிட்ட பிரபலங்கள் நடித்துள்ளனர்.

 எமர்ஜென்சி படத்தின் வெளியீடு பலமுறை ஒத்திவைக்கப்பட்டு இறுதியாக வருகிற 17ஆம் தேதி அன்று திரையிட திட்டமிடப்பட்டுள்ளது.

எமர்ஜென்சி திரைப்படம், இந்திய வரலாற்றில் மிகவும் கொந்தளிப்பான காலக்கட்டங்களில் ஒன்றான கடந்த 1975-ம் ஆண்டு இந்திரா காந்தியால் அறிவிக்கப்பட்ட அவசரநிலை குறித்து ஆராய்கிறது. கங்கனா ரனாவத் இயக்கி நடித்துள்ள இந்தத் திரைப்படத்தில், அனுபம் கேர் மற்றும் ஸ்ரேயாஸ் தல்பாடே முக்கிய கதாபாத்திரங்களில் நடித்துள்ளனர். எமர்ஜென்சி திரைப்படம் ஜனவரி 17ம் தேதி திரையரங்குகளில் வெளியாக இருக்கிறது

இதையும் படிங்க: பச்ச பச்சையா கமெண்ட் அடிச்ச ராஜாக்கள் ..சப்புனு அறைந்த நடிகை ஹனி ரோஸ்..30 பேர் பாய்ந்த வழக்கு ..!