கோலிக்கு கிடைத்த ரூ.100 கோடி... ஷுப்மான் கில்லுக்கும் அடித்த அதிர்ஷ்டம்… பேட்டை கவனித்தீர்களா..?

சாம்பியன்ஸ் டிராபியில் இந்திய அணியின் நட்சத்திர பேட்ஸ்மேன் ஷுப்மான் கில் இதுவரை சிறப்பாக செயல்பட்டு வருகிறார். அவரது பேட் ஒருநாள் போட்டிகளில் தொடர்ந்து ரன்களை மழையாகப் பொழிந்து வருகிறது. அவர் ஒரு நாள் போட்டியில் இந்திய அணியின் துணை கேப்டனாகவும் உள்ளார். இந்திய கிரிக்கெட்டின் இரண்டு பெரிய நட்சத்திரங்களான சச்சின் டெண்டுல்கர், விராட் கோலி ஆகியோரின் பட்டியலில் ஷுப்மான் கில் இப்போது நேரடியாக இணைந்துள்ளார். நாட்டின் பிரபல நிறுவனமான எம்.ஆர்.எஃப், கில்லுடன் ஒரு பேட் ஸ்பான்சர்ஷிப் ஒப்பந்தத்தில் கையெழுத்திட்டுள்ளது. அதுவும் இந்தியா-ஆஸ்திரேலியா அரையிறுதிப் போட்டிய இருந்து தொடங்கியுள்ளது.

துபாயில், இந்தியாவுக்கும் -ஆஸ்திரேலியாவுக்கும் இடையிலான சாம்பியன்ஸ் டிராபி அரையிறுதிப் போட்டிக்கு சற்று முன்பு, ஷுப்மான் கில்லின் புகைப்படம் பரபரப்பை ஏற்படுத்தியது. இந்தப் புகைப்படம் கில் பயிற்சியில் ஈடுபட்டிருந்தபோது எடுத்தது. அதில் அவர் பேட்டை பிடித்துக் கொண்டு காற்றில் ஆட்டி பயிற்சி செய்தாய். இந்தப் புகைப்படத்தில் கில்லின் கையில் இருந்த பேட் அனைவரின் கவனத்தையும் ஈர்த்தது. ஏனெனில் இந்த பேட்டிலும் விராட் கோலியின் பேட்டைப் போலவே சிவப்பு எம்.ஆர்.எஃப் ஸ்டிக்கர் ஒட்டப்பட்டிருந்தது.

இதையும் படிங்க: மைதானத்தில் நின்ற சுப்மன் கில்லுக்கு வந்த உத்தரவு.. இந்திய அணி ஜெயித்தது இப்படித்தான்..!

இந்த ஒரு புகைப்படம் ரசிகர்களிடையே ஆர்வத்தை ஏற்படுத்தியது, கோஹ்லியைப் போலவே ஷுப்மான் கில்லும் இந்திய அணிக்காக தனது பேட்டில் எம்.ஆர்எஃப் ஸ்டிக்கரை ஒட்டி விளையாடுகிறார். சாம்பியன்ஸ் டிராபியில் இந்தியா- நியூசிலாந்திற்கு எதிரான கடைசி போட்டியில், கில், சியட் நிறுவனத்தின் ஸ்டிக்கர் ஒட்டப்பட்ட பேட்டுடன் விளையாடிக் கொண்டிருந்தார். கில் கடந்த சில வருடங்களாக சியட் நிறுவனத்தின் ஸ்டிக்கர்களை ஒட்டி வந்தார். ஆனால் இப்போது ஒப்பந்தம் முடிந்துவிட்டது. சியட்டின் போட்டியாளரான டயர் உற்பத்தியாளர் எம்.ஆர்.எஃப் இப்போது கில்லை ஒப்பந்தம் செய்துள்ளது.

எம்.ஆர்.எஃப் (மெட்ராஸ் ரப்பர் தொழிற்சாலை) பல ஆண்டுகளாக இந்திய கிரிக்கெட்டின் ஒவ்வொரு தலைமுறையிலிருந்தும் ஒன்று அல்லது இரண்டு சிறந்த பேட்ஸ்மேன்களுடன் ஸ்பான்சர்ஷிப் ஒப்பந்தங்களை செய்து வருகிறது. சச்சின் டெண்டுல்கரும், எம்.ஆர்.எஃப்.-ம் முதன்முதலில் 1990களில் ஒன்றாக இணைந்தனர். அந்த நேரத்தில் பிரையன் லாரா, ஸ்டீவ் வாஹ் ஆகியோரும் எம்.ஆர்.எஃப் உடன் தொடர்புடையவர்களாக இருந்தனர். பின்னர் எம்.ஆர்.எஃப் சிறிது காலம் ரோஹித் சர்மாவை ஒப்பந்தம் செய்தது.

ஆனால் விராட் கோலியின் செயல்திறன், அந்தஸ்து அதிகரித்தவுடன், அந்த நிறுவனம் இந்திய கிரிக்கெட்டின் புதிய நட்சத்திரத்தை தனக்கென உருவாக்கியது. அதன் பின்னர் இருவரும் தொடர்ந்து ஒப்பந்தம் செய்து கொண்டனர்.  2017 ஆம் ஆண்டில் கோஹ்லிக்கும், எம்.ஆர்.எஃப்-க்கும் இடையே மற்றொரு 8 வருட ஒப்பந்தம் கையெழுத்தானது. இதற்காக அந்த நிறுவனம் கோலிக்கு ரூ.100 கோடி செலுத்தியது.

இதையும் படிங்க: அற்புதம்..! நரேந்திர மோடி மைதானத்தில் சதம் அடித்து சாதனை: முதல் இந்தியராக சுபமன் கில் அசத்தல்..!