சிமென்ட் இல்லை, செங்கல் இல்லை... இந்த ஆடம்பரமான பங்களா கற்களால் மட்டுமே உருவாக்கப்பட்டு உள்ளது. 1000 ஆண்டுகளுக்குப் பிறகும் அதன் பளபளப்பு மங்காது. உலகின் முதல் சிமென்ட் இல்லாத கல் இந்த  வீட்டை பெங்களூருவில் ஒருவர் கட்டியுள்ளார்.

பொதுவாக வீடு கட்ட சிமெண்ட், மணல், செங்கற்கள், கான்கிரீட் தூண்கள் மற்றும் மண் ஆகியவை அடிப்படையானவை. வீட்டின் செங்கற்களை இணைத்து அதற்கு வலிமை அளிக்க சிமென்ட் உதவுகிறது. ஆனால், சமீபத்தில் பெங்களூருவில் கட்டப்பட்டுள்ள ஒரு தனித்துவமான வீடு சமூக ஊடகங்களில் மக்களின் கவனத்தை ஈர்த்துள்ளது. இந்த வீடுதான், சிமெண்ட் இல்லாமல் கற்களால் கட்டி எழுப்பப்பட்ட உலகின் முதல் வீடு என்று கூறப்படுகிறது. இந்த வீடு வலிமையானது மட்டுமல்ல, நீண்ட காலம் நீடிக்கும் தன்மை கொண்டது.

பெங்களூரில் முற்றிலும் கற்களால் ஆன இந்த வீட்டை கட்டுவதற்கு சிறிதளவு சிமெண்டோ அல்லது கான்கிரீட்டோ கூட பயன்படுத்தப்படவில்லை. இந்த ஆடம்பரமான கல் வீட்டின் உரிமையாளர் இது உலகின் முதல் சிமென்ட் இல்லாத கல் வீடு என்று கூறுகிறார். இந்த வீடு நீடித்து உழைக்கக்கூடியது மட்டுமல்ல, அதன் ஆயுட்காலம் ஆயிரம் ஆண்டுகளுக்கும் மேல் நீடிக்கும் வலிமையானது. 

இதையும் படிங்க: பெரிய பேட்டரி.. 24GB ரேம்.. 32MP செல்ஃபி கேமரா.. விவோ மொபைல் பட்டையை கிளப்புது

இந்த வீட்டைக் கட்டிய கட்டிடக் கலைஞர்கள், சாம்பல் நிற கிரானைட், மணற்கல் போன்ற கற்களைப் பயன்படுத்தி இன்டர்லாக் நுட்பத்தைப் பயன்படுத்தி இதன் அமைப்பு கட்டப்பட்டுள்ளதாகக் கூறுகிறார்கள். இந்த வீட்டைக் கட்ட அவர்கள் சிறிதும் கூட சிமென்ட், பிசின் போன்றவற்றை பயன்படுத்தவில்லை. இந்த வீடு முழுக்க முழுக்க கற்களால் மட்டுமே கட்டப்பட்டுள்ளது.

பழங்கால கோயில்களைப் போலவே, இன்டர்லாக் தொழில்நுட்பத்தைப் பயன்படுத்தி வீடுகளைக் கட்டும் இந்த யோசனை இன்றைய காலகட்டத்தில் மிகவும் விசித்திரமாகத் தோன்றலாம். இன்டர்லாக் முறையில், கற்களுக்கு இடையில் சிமென்ட், பிளாஸ்டர் அல்லது வேறு எந்த வகையான பிசின்களும் பயன்படுத்தப்படுவதில்லை. இது சுற்றுச்சூழலுக்கு உகந்த, நிலையான தொழில்நுட்பத்தில் உருவாக்கப்பட்டுள்ளது. இது சுற்றுச்சூழலுக்கு தீங்கு விளைவிக்காது.

சிமென்ட் பயன்படுத்தாத கற்களால் ஆன இந்த வீட்டை மக்கள் மிகவும் விரும்புகிறார்கள். ஜீரோ சிமென்ட் ஸ்டோன் ஹவுஸை ''அற்புதம்! பண்டைய இந்திய கோயில்களைப் போலவே, இந்த வீடும் ஆயிரம் ஆண்டுகளுக்கும் மேலாக நிற்கும் என்றும்'இந்தியாவில் இன்னொரு தாஜ்மஹால்' என்றும் பாராட்டி வருகின்றனர்.

இதையும் படிங்க: கூகுளில் இதை மட்டும் தேடாதீங்க.? இல்லைனா ஜெயிலுக்கு தான் போகணும்!