பாலிவுட் நடிகர் சைஃப் அலி கான் மீதான தாக்குதல் நடந்து கிட்டத்தட்ட 50 மணி நேரம் ஆகியும், காவல்துறை இன்னும் வெறுங்கையை பிசைந்து கொண்டிருக்கிறது. 50 மணி நேரத்திற்குப் பிறகும், தாக்குதல் நடத்திய குற்றவாளி தலைமறைவாகவே இருக்கிறார். மும்பை காவல்துறை விசாரணையில் தீவிரம் காட்டி வருகிறது. இதுவரை 40-50 பேர் விசாரிக்கப்பட்டுள்ளனர். சிசிடிவி காட்சிகளின் அடிப்படையில், சந்தேக நபரை போலீசார் தேடி வருகின்றனர். இதற்கிடையில், மும்பை காவல்துறை லீலாவதி மருத்துவமனைக்குச் சென்று சைஃப் அலிகான் மற்றும் கரீனா கபூரின் வாக்குமூலங்களைப் பதிவு செய்துள்ளது.

இந்நிலையில், இந்த வழக்கின் மர்மம் எப்போது விலகும்? தாக்குதல் நடத்தியவர் எப்போது கைது செய்யப்படுவார்? காவல்துறை விசாரணை எந்த அளவுக்கு முன்னேறியுள்ளது ? என பல கேள்விகள் எழுந்துள்ளன. சைஃப் மீதான தாக்குதல் குறித்து, முதல்வர் தேவேந்திர ஃபட்னாவிஸ், ''காவல்துறை சில முக்கிய ஆதாரங்களைக் கண்டுபிடித்துள்ளது. இந்த வழக்கு விரைவில் வெளிப்படும்'' என்கிறார்.

ஜனவரி 15-16 அன்று இரவு, அடையாளம் தெரியாத ஒருவர் சைஃப் அலிகானின் வீட்டிற்குள் நுழைந்தார். அவர் தனது மகன் ஜெஹ்வை நோக்கி நகர்ந்து கொண்டிருந்தார். அவன் உள்ளே நுழைந்த சத்தத்தைக் கேட்டு, அவர்களுடைய வேலைக்காரி விழித்துக்கொண்டு கத்த ஆரம்பித்தார். வேலைக்காரி அலறல் சத்தம் கேட்டு சைஃப் வெளியே வந்தார். அப்போது ​​சைஃப்பிற்கும், மர்ம நபருக்கும் இடையே மோதல் ஏற்பட்டது.மர்ம நபர், சைஃப் அலிகானை கத்தியால் தாக்கினார். அவர் சைஃப்பை கத்தியால் ஆறு முறை குத்தினார். பிறகுஅவர் சிகிச்சைக்காக லீலாவதி மருத்துவமனையில் அனுமதிக்கப்பட்டார். தாக்குதல் நடத்தியவர் சைஃப்பின் வீட்டிற்குள் நுழைந்து வெளியேறும் சிசிடிவி வீடியோ பதிவாகியுள்ளது.

இதையும் படிங்க: பாதுகாப்புக்காக ஆண்டுக்கு ரூ.1,000 கோடி செலவிடும் பிரபலம்.. 'பாடிகார்டு'களுக்கு மாதம் கோடிகோடியாய் சம்பளம் தரும் சினிமா நட்சத்திரங்கள்..!

தாக்குதல் நடத்தியவர் அதிகாலை 1:38 மணிக்கு படிக்கட்டுகள் வழியாக சைஃப்பின் வீட்டிற்குள் நுழைந்து அதிகாலை 2:33 மணிக்கு வீட்டை விட்டு வெளியேறியுள்ளார். இந்த நேரத்திற்குள்தான் தாக்குதல் நடந்துள்ளது. உள்ளே நுழைவதற்கும் வெளியே வருவதற்கும் இடையே 55 நிமிட இடைவெளி. இந்த விவகாரம் குறித்து மும்பை காவல்துறையின் 20 தனிப்படைகளை அமைத்து விசாரணை நடத்தி வருகின்றனர். இது தவிர, குற்றப்பிரிவின் தனிப்படைகளும் விசாரணையில் ஈடுபட்டுள்ளன.

லீலாவதி மருத்துவமனை மருத்துவர்கள் சைஃப் அலிகானின் உடல்நிலை குறித்த அறிக்கையை வெளியிட்டனர். சைஃப் ஐசியுவிலிருந்து வெளியே சிறப்பு அறைக்கு மாற்றப்பட்டுள்ளதாக மருத்துவர்கள் தெரிவித்தனர். அவர் இரத்த வெள்ளத்தில் வந்தார். ஆனால் இப்போது அவர் ஆபத்திலிருந்து மீண்டுவிட்டார். அவரது உடல்நிலை வேகமாக முன்னேறி வருகிறது. அவருக்கு ஒரு வாரம் ஓய்வு தேவை.

சிசிடிவி காட்சிகளின் அடிப்படையில், சந்தேக நபரை போலீசார் தேடி வருகின்றனர். தற்போது வெளியாகியுள்ள சிசிடிவி காட்சிகளின்படி, சந்தேக நபருக்கு 35 முதல் 40 வயது இருக்கும். அவரது நிறம் கருமையாகவும், உடல் மெலிதாகவும் உள்ளது. அவரது உயரம் சுமார் 5 அடி 5 அங்குலம். அவன் கழுத்தில் ஒரு துண்டு கட்டியிருந்தார். அவர் அடர் நிற சட்டையும், அடர் நிற பேண்ட்டும் அணிந்திருந்தார். சைஃப்பைத் தாக்கிய சந்தேக நபரின் புதிய புகைப்படம் வெளியாகியுள்ளது. அதில் சந்தேக நபர் மாறிய தோற்றத்துடன் சுற்றித் திரிவது கண்டறியப்ப்பட்டுள்ளது. தாக்குதலுக்குப் பிறகு சந்தேக நபர் தனது உடைகளை மாற்றிக்கொண்டதாகக் கூறப்படுகிறது. படத்தில், குற்றம் சாட்டப்பட்டவர் வான நீல நிற சட்டை அணிந்திருப்பதைக் காணலாம். அவர் தோளில் ஒரு கருப்புப் பை தொங்கிக் கொண்டிருக்கிறது. அதன் அடிப்படையில் சந்தேகத்தின் பேரில் ஒருவரைக் கைது செய்து விசாரித்தனர்.

தாக்குதல் நடத்தியவர் திருடும் நோக்கத்துடன் மட்டுமே வந்தாரா? சைஃப் அலி கானின் உடலில் கண்டெடுக்கப்பட்ட கத்தித் துண்டு அப்படி இருப்பதாகத் தெரியவில்லை. காரணம், தாக்குதல் நடத்தியவர் சைஃப்பை முழு பலத்துடன் தாக்கியுள்ளார். இதனால்தான் கத்தி உடைந்து சைஃப் அலிகானின் உடலில் பதிந்தது. ஒரு திருடன் இப்படித் தாக்க முடியுமா? அவன் சைஃப்பைக் கொல்லும் நோக்கத்தைக் கொண்ட ஒரு தொழில்முறை கொலையாளியா? என்கிற சந்தேகம் எழுகிறது. வியாழக்கிழமை லீலாவதி மருத்துவமனையில் சைஃப் அறுவை சிகிச்சை செய்து கொண்டார். நேற்று அதாவது வெள்ளிக்கிழமை, அவர் ஐசியுவிலிருந்து ஒரு சிறப்பு அறைக்கு மாற்றப்பட்டார்.

சைஃப் அலி கான் வழக்கு தொடர்பாக மும்பை போலீசார் கரீனாவின் வாக்குமூலத்தைப் பதிவு செய்துள்ளனர். காவல்துறையினர் லீலாவதி மருத்துவமனைக்கும் சென்று சைஃப்பின் வாக்குமூலத்தைப் பதிவு செய்தனர். அவரது வாக்குமூலம் மூத்த அதிகாரிகள் முன்னிலையில் பதிவு செய்யப்பட்டது. சம்பவம் நடந்து சுமார் 50 மணி நேரத்திற்குப் பிறகும், காவல்துறை இன்னும் வெறுங்கையை பிசைந்து  கொண்டிருக்கிறது. இந்த வழக்கு தொடர்பான எந்த துப்பும் இதுவரை கிடைக்கவில்லை. இதுவரை 40-50 பேர் விசாரிக்கப்பட்டுள்ளனர். இது தவிர, விசாரிக்கப்பட்டவர்களில் சைஃப்பின்  3 பாதுகாவலர்கள், ஊழியர்கள் என 4 பேர் அடங்குவர்.

இது தவிர, சந்தேகப்படும்படியான இரண்டு பேர் விசாரிக்கப்பட்டுள்ளனர். அடையாளம் தெரியாத 5 பேர், குடும்ப உறுப்பினர்களின் வாக்குமூலங்கள் பதிவு செய்யப்பட்டுள்ளன. கைது செய்யப்பட்ட இரண்டு சந்தேக நபர்களில் நேற்று, கைது செய்யப்பட்ட ஒருவர் சைஃப் வழக்கில் சம்பந்தப்படவில்லை என போலீசார் அவரை விடுவித்தனர்.

தாக்குதல் நடத்தியவரைப் பற்றி மும்பை காவல்துறை வட்டாரங்கள் ஒரு முக்கியத் தகவலை வெளியிட்டுள்ளன.தாக்குதல் நடத்தியவர் இதற்கு முன்பும் சைஃப்பின் வீட்டிற்குச் சென்றிருக்கிறார். அவருக்கு சைஃப்பின் வீடு நன்றாகத் தெரியும். வீட்டிற்குள் நுழையும் வழி தெரியும். தப்பிப்பதற்கான திட்டமும் அவருக்கு தயாராக இருந்தது. தாக்கியவருக்கு தீ வெளியேறும் படிக்கட்டுகளின் இடம் தெரியும். அவருக்கு சிசிடிவியின் மறைவான இடம் தெரியும். தாக்குதல் நடத்தியவருக்கு வேறு சில கூட்டாளிகள் இருக்கலாம் என்று போலீசார் கூறுகின்றனர். தாக்குதல் நடத்தியவரைக் கண்டுபிடித்து கைது செய்ய 30க்கும் மேற்பட்ட தனிப்படைகள் அமைக்கப்பட்டுள்ளன.ஆனால் சந்தேகத்தின் பெயரிலேயே பலரையும் போலீஸார் கைது செய்து விசாரித்து வருகின்றனர். சிசிடிவியில் பதிவான வீடியோ காட்சிகள் கிடைத்தும் குற்றவாளியின் உருவம் வெளிவந்த போதிலும் மும்பை போலீஸ் தடுமாறி வருகிறது. இதனால் மஹாராஷ்டிராவில் ஆளும் கட்சி மீது சட்டம் ஒழுங்கு பிரச்னை குறித்து எதிர்கட்சியினர் கேள்வி எழுப்பி வருகின்றனர்.

இதையும் படிங்க: #BREAKING சைஃப் அலிகானை 6 முறை கத்தியால் குத்தியது இவரா? - முக்கிய குற்றவாளி மும்பை போலீசால் கைது!