இந்தியர்களை பொறுத்தவரை, தங்கம் என்பது வெறும் முதலீடு மட்டுமல்ல, பாரம்பரியம் மற்றும் பாதுகாப்பின் விஷயமாகும். எனவே, தங்க விலையில் ஏற்படும் ஏற்ற இறக்கங்கள் எப்போதும் உன்னிப்பாகக் கவனிக்கப்படுகின்றன.

புத்தாண்டு தொடங்கியதில் இருந்தே தங்கம் விலை ராக்கெட் வேகத்தில் ஏறி வருகிறது. தற்போது அனைத்து தரப்பு மக்களையும் அதிர்ச்சிக்குள்ளாக்கும் வகையில் தங்கம் விலை 60 ஆயிரத்தை நெருங்க சில நூறு ரூபாய்கள் மட்டுமே பாக்கியுள்ளது. இனி தங்கத்தை பார்க்க மட்டும் தான் முடியும் போல, என நடுத்தர மக்களும், இல்லத்தரசிகளும் ஏமாற்றமடைந்துள்ளனர். 

ரூ.60 ஆயிரத்தை நெருங்கும் தங்கம்: 

சென்னையில் இன்று (திங்கள் கிழமை) சில்லறை விற்பனைச் சந்தையில் 22 காரட் தங்கம் கிராமிற்கு 15 ரூபாய் அதிகரித்து 7 ஆயிரத்து 450 ரூபாய்க்கும், சவரனுக்கு 120 ரூபாய் அதிகரித்து 59 ஆயிரத்து 600 ரூபாய்க்கும் விற்பனையாகி வருகிறது. அதேபோல் 24 காரட் சுத்த தங்கம் கிராமிற்கு 16 ரூபாய் அதிகரித்து 8 ஆயிரத்து 127 ரூபாய்க்கும், சவரனுக்கு 128 ரூபாய் அதிகரித்து 65 ஆயிரம் 016 ரூபாய்க்கும் விற்பனையாகிறது. 

இதையும் படிங்க: Gold Rate: இப்படியொரு சர்ப்ரைஸை எதிர்பார்த்திருக்க மாட்டீங்க...! சரசரவென சரிந்த தங்கம் விலை! 

வெள்ளி விலை: 

சென்னையில் இன்று (திங்கள் கிழமை) எவ்வித மாற்றமும் இன்றி ஒரு கிராம் 104 ரூபாய்க்கும்,  ஒரு கிலோ வெள்ளி ஒரு லட்சத்து 4 ஆயிரம் ரூபாய்க்கும் விற்பனையாகிறது. 

உயர்வுக்கான காரணம் என்ன? 

டாலருக்கு நிகரான இந்திய ரூபாயின் மதிப்பு தொடர்ந்து சரிந்து வருவதும், சர்வதேச சந்தையில் தங்கத்தின் மீதான தேவை அதிகரித்து வருவதும் உள்ளூர் சந்தையில் தங்கத்தின் விலை கிடுகிடு உயர காரணமாக அமைந்துள்ளது. 

இதையும் படிங்க: Gold Rate Today: இல்லத்தரசிகளுக்கு செம்ம ஷாக்; எகிறி அடிக்கும் தங்கம் விலை; இவ்வளவு உயர்வா?