இந்திய ராணுவத்தின் பதிலடி தாக்குதலில் 4 முதல் 5 பாகிஸ்தான் வீரர்கள் கொல்லப்பட்டனர். எல்லையில் பாகிஸ்தானுக்கு தகுந்த பதில் கிடைத்தது.
பூஞ்ச் மாவட்டத்தில் உள்ள பாலகோட் பகுதியில் உள்ள இந்திய ராணுவ நிலைகள் மீது பாகிஸ்தான் ராணுவம் நேற்று துப்பாக்கிச் சூடு நடத்தியது. பதிலுக்கு, இந்திய ராணுவமும் பாகிஸ்தான் நிலைகள் மீது துப்பாக்கிச் சூடு நடத்தி தகுந்த பதிலடி கொடுத்தது. தகவல்களின்படி, பாகிஸ்தானுக்கு பெரும் இழப்பு ஏற்பட்டுள்ளது. இந்த ஷெல் தாக்குதலில் பல பாகிஸ்தான் ராணுவ வீரர்கள் காயமடைந்துள்ளனர். 4-5 வீரர்கள் இறந்துள்ளனர்.
கடந்த ஒரு வாரமாக பாகிஸ்தான் எல்லை வழியாக வழியாக பயங்கரவாதிகளை ஊடுருவ முயற்சித்து வருகிறது. இந்திய ராணுவம் மிகுந்த எச்சரிக்கையுடன் உள்ளது. எனவே பாகிஸ்தானின் ஒவ்வொரு சதித்திட்டத்திற்கும் இந்திய ராணுவம் தகுந்த பதிலடி கொடுத்து வருகிறது.
இதையும் படிங்க: சுட்டு கொல்லப்பட்ட 31 நக்சலைட்டுகள்..! இரண்டு வீரர்கள் வீரமரணம்
பாகிஸ்தானின் தொடர்ச்சியான சதித்திட்டங்களைக் கருத்தில் கொண்டு, லெப்டினன்ட் கவர்னர் மனோஜ் சின்ஹா இன்று ஜம்முவில் உயர்மட்ட பாதுகாப்பு மறுஆய்வுக் கூட்டத்தை நடத்தவுள்ளார். இந்தக் கூட்டத்தில் லெப்டினன்ட் கவர்னரைத் தவிர, ஜம்மு காஷ்மீர் டிஜிபி நளின் பிரபாத், ஜம்மு காஷ்மீர் காவல்துறையின் மூத்த அதிகாரிகள் மற்றும் ஜம்மு ஐஜிபி ஆகியோர் கலந்து கொள்வார்கள்.
ஜம்மு-காஷ்மீரின், பூஞ்ச் மாவட்டத்தில் உள்ள கட்டுப்பாட்டுக் கோட்டுக்கு அப்பால் இருந்து தூண்டுதலற்ற முறையில் நடத்தப்பட்ட துப்பாக்கிச் சூட்டுக்கு இந்திய ராணுவம் தகுந்த பதிலடி கொடுத்ததாக பாதுகாப்பு அதிகாரிகள் தெரிவித்தனர். இதில் ஏராளமான பாகிஸ்தான் வீரர்கள் கொல்லப்பட்டனர்.
கிருஷ்ணா காட்டி பகுதியில் பாகிஸ்தான் போர் நிறுத்த ஒப்பந்தத்தை மீறியதாக அதிகாரிகள் தெரிவித்தனர். இதற்கு ஒரு நாள் முன்பு ஜம்மு மாவட்டத்தின் அக்னூர் செக்டாரில் உள்ள கட்டுப்பாட்டுக் கோட்டுக்கு அருகே பயங்கரவாதிகள் நடத்திய குண்டுவெடிப்பில் ஒரு கேப்டன் உட்பட இரண்டு இந்திய ராணுவ வீரர்கள் உயிரிழந்தனர்.
ஜம்மு-காஷ்மீரின் அக்னூர் செக்டாரில் உள்ள எல்லைக் கட்டுப்பாட்டுக் கோட்டுக்கு அருகே செவ்வாய்க்கிழமை நடந்த ஐ.இ.டி குண்டுவெடிப்பில் ஒரு கேப்டன் மற்றும் ஒரு சிப்பாய் உயிரிழந்தனர். அதே நேரத்தில் ஒரு சிப்பாய் காயமடைந்தார். அவர் ராணுவ மருத்துவமனையில் அனுமதிக்கப்பட்டுள்ளார். வீரமரணம் அடைந்த வீரர்கள் கேப்டன் கரம்ஜித் சிங், நாயக் முகேஷ் சிங் என அடையாளம் காணப்பட்டுள்ளனர். இந்த குண்டுவெடிப்பு பயங்கரவாதிகளின் சதித்திட்டம். அதிகாரிகளின் கூறியபடி ராணுவ வீரர்கள் எல்லைக் கட்டுப்பாடு கோடு அருகே ரோந்துப் பணியில் ஈடுபட்டிருந்தனர்.
இதையும் படிங்க: ரஷ்யாவுடனான நட்பு... உள்நாட்டு உற்பத்தி… உலகையே மிரட்டும் இந்தியாவின் நவீன ராணுவம்..!