மகாராஷ்டிரா அரசியல் தனஞ்சய் முண்டே ராஜினாமா வைரலான கொலை புகைப்படங்கள்
மகாராஷ்டிரா அரசாங்கத்தில் ஒரு சலசலப்பு ஏற்பட்டது, முதலமைச்சர் ஃபட்னாவிஸ் அமைச்சர் தனஞ்சய் முண்டேவை ராஜினாமா செய்யக் கோரினார்.

மகாராஷ்டிரா அரசியலில் தொடர்ந்து நிலவும் கொந்தளிப்பு இப்போதைக்கு அடங்குவதாகத் தெரவில்லை. அங்கு நிலவும் அரசியல் போல்லில் ஏதாவது ஒரு விவகாரம் எழுந்து கொண்டே இருக்கிறது. இப்போது   மகாராஷ்டிரா அமைச்சர் தனஞ்சய் முண்டேவின் ராஜினாமா குறித்த விவாதத்தால் பரபரப்பு ஏற்பட்டுள்ளது.

தனஞ்சய் முண்டேவைப் பிரிந்து வாழும் அவரது முதல் மனைவி கருணா முண்டே, இன்று  பட்ஜெட் கூட்டத்தொடர் தொடங்குவதற்கு முன்பு அவர் ராஜினாமா செய்வார் என்று கூறியிருந்தார். முதல்வர் தேவேந்திர ஃபட்னாவிஸ், அமைச்சர் தனஞ்சய் முண்டேவை ராஜினாமா செய்யுமாறு கேட்டுக் கொண்டுள்ளார். பீட்டில் நடந்த சர்பஞ்ச் சந்தோஷ் தேஷ்முக் கொலை வழக்கில் அவரது பெயர் தொடர்புடையதாக இருந்ததால், அவரது ராஜினாமாவை எடுக்க அரசு மீது அழுத்தம் தொடர்ந்து அதிகரித்து வந்தது.

இதையும் படிங்க: எத்தனை முறை கங்கையில் குளித்தாலும் துரோகத்தின் கறை போகாது... உத்தவை உறியடித்த ஃபட்னாவிஸ்..!

சர்பஞ்ச் சந்தோஷ் தேஷ்முக் கொலை வழக்கின் புகைப்படங்கள் சமூக ஊடகங்களில் வைரலானதை அடுத்து தேவேந்திர ஃபட்னாவிஸ் இந்த முடிவை எடுத்துள்ளார். இந்த விவகாரம் தொடர்பாக, துணை முதல்வர் அஜித் பவாரின் தேவ்கிரி இல்லத்தில் நேற்று இரவு தாமதமாக தேசியவாத காங்கிரஸ் கட்சியின் மூத்த தலைவர்களின் கூட்டம் நடைபெற்றது. இந்தக் கூட்டத்தில் தனஞ்சய் முண்டேவும் கலந்து கொண்டார்.

சந்தோஷ் தேஷ்முக் கொலை வழக்கில் முக்கிய குற்றவாளியான வால்மீகி கரட், அமைச்சர் தனஞ்சய் முண்டேவுக்கு நெருக்கமானவர். வால்மீகி கரட் தனக்கு மிகவும் நெருக்கமானவர் என்று தனஞ்சய் முண்டே பலமுறை பகிரங்கமாகக் கூறியுள்ளார். இப்போது கொலையின் போது எடுக்கப்பட்ட புகைபடங்கள் வெளிவந்த பிறகு, தனஞ்சய் முண்டே ராஜினாமா செய்ய அழுத்தம் அதிகரித்துள்ளது.

தனஞ்சய் முண்டேவின் மனைவி கருணா சர்மா முண்டே நேற்று தனஞ்சய் முண்டே பட்ஜெட் கூட்டத்தொடருக்கு முன்பு ராஜினாமா செய்வார் என்று கூறியிருந்தார். கருணா முண்டே கூட இரண்டு நாட்களுக்கு முன்பு அஜித் பவார் தனது ராஜினாமாவை ஏற்றுக்கொண்டதாகக் கூறியிருந்தார். தனஞ்சய் முண்டே ராஜினாமா செய்யத் தயாராக இல்லை என்றும், ஆனால் அஜித் பவார் அவரை வலுக்கட்டாயமாக ராஜினாமா செய்ய வைத்ததாகவும் அவர் கூறினார்.

அவரது ராஜினாமாவிற்கு உடல்நலக்குறைவை காரணமாக அரசு விளக்கம் தரும் என கூறப்படுகிறது. தனஞ்சய் முண்டே, பெல்ஸ் பால்சி என்ற நோயால் பாதிக்கப்பட்டுள்ளார் இதனால், அவர் தொடர்ந்து பேசுவதில் சிரமத்தை எதிர்கொள்கிறார்.

தேசியவாத காங்கிரஸ் கட்சியின் அஜித் பவாருக்கு நெருக்கமான அமைச்சரான தனஞ்சய் முண்டே, தற்போதைய அரசில் உணவு மற்றும் சிவில் சப்ளைஸ் அமைச்சராக உள்ளார். அவரைப் பற்றி பல சர்ச்சைகள் எழுந்துள்ளன. தனஞ்சய் முண்டே தனது மாமா கோபிநாத் முண்டேவுடன் சிறு வயதிலேயே அரசியலில் நுழைந்தார். பீட் மாவட்டம், பார்லி தாலுகாவில் ஒவ்வொரு தேர்தலிலும் அவருக்காக பிரச்சாரம் செய்தார்.

கோபிநாத் முண்டேவின் மரணத்திற்குப் பிறகு, தனஞ்சய் முண்டே பார்லி சட்டமன்றத் தொகுதியை உரிமை கொண்டாடி, பாஜகவிலிருந்து போட்டியிட்ட கோபிநாத் முண்டேவின் மகள் பங்கஜா முண்டேவை எதிர்த்து போட்டியிட்டார். மகாராஷ்டிரா அமைச்சர் தனஞ்சய் முண்டே, அவரது திருமண வாழ்க்கை தொடர்பான விஷயங்கள் உட்பட பல சர்ச்சைகளால் சூழப்பட்டுள்ளார்.

வேளாண் துறையில் ரூ.73.36 கோடி மோசடி செய்ததாக தனஞ்சய் முண்டே மீது குற்றம் சாட்டப்பட்டுள்ளது. இது தொடர்பாக பாஜக எம்எல்ஏ, அஜித் பவாரிடம் புகார் அளித்துள்ளார். தனஞ்சய் முண்டேவின் முதல் மனைவி என்று கூறிக்கொண்ட கருணா சர்மா, 2020 ஆம் ஆண்டு அவருக்கு எதிராக குடும்ப வன்முறை வழக்கைப் பதிவு செய்தார். இந்த வழக்கில், தனஞ்சய் முண்டே, கருணா சர்மாவுக்கு மாதம் ரூ.1.25 லட்சமும், அவர்களது மகளுக்கு மாதம் ரூ.75,000 ஜீவனாம்சம் வழங்க வேண்டும் என்று பாந்த்ரா குடும்ப நீதிமன்றம் பிப்ரவரி 2025-ல் உத்தரவிட்டது. 

தனஞ்சய் முண்டே இந்த உத்தரவை எதிர்த்து வழக்கு தொடர்ந்தார். அவர் கருணா சர்மாவை ஒருபோதும் திருமணம் செய்து கொள்ளவில்லை என்றும், எனவே ஜீவனாம்சம் உத்தரவு நியாயமற்றது என்றும் கூறினார். பீட் மாவட்ட சர்பஞ்ச் சந்தோஷ் தேஷ்முக் கொலை வழக்கிலும் தனஞ்சய் முண்டேவின் பெயர் வந்துள்ளது. சிறப்பு விசாரணைக் குழு தாக்கல் செய்த குற்றப்பத்திரிகையில், அவரது நெருங்கிய கூட்டாளியான வால்மிக் கரட் இந்தக் கொலையின் மூளையாகச் செயல்பட்டதாக கூறப்பட்டுள்ளது. இந்த சம்பவத்திற்குப் பிறகு, முதல்வர் தேவேந்திர ஃபட்னாவிஸ், தனஞ்சய் முண்டேவை தேசியவாத காங்கிரஸ் தலைமையிலிருந்து ராஜினாமா செய்யக் கோரியுள்ளார்.

இதையும் படிங்க: பிஜேபி சிஎம் கூட கெத்தா உட்கார்ந்த செந்தில் பாலாஜி..! மின்சார மாநாட்டில் பங்கேற்பு...!