சாம்பியன்ஸ் டிராபி அரையிறுதிக்குள் செல்ல ஆப்கானிஸ்தானுக்கு இன்னும் வாய்ப்புக் குறையவில்லை. அதேசமயம், தென் ஆப்பிரிக்க அணியும் அரையிறுதி செல்வதற்கான வாய்ப்புகள் அதிகம் இருக்கின்றன. ஐசிசி சாம்பியன்ஸ் டிராபி தொடர் பாகிஸ்தானிலும், இந்தியா சார்பில் நடக்கும் ஆட்டங்கள் அனைத்தும் துபாயில் நடக்கின்றன. ஏ பிரிவில் இடம் பெற்றுள்ள அணிகளில் இந்தியா, நியூசிலாந்து அணிகள் அரையிறுதிக்கு தகுதி பெற்றாலும் எந்த அணி முதலிடம் பெறுவது என்பதில் இன்னும் சிக்கல் நீடிக்கிறது. அதேசமயம், பி பிரிவில் ஆஸ்திரேலியா அணி அரையிறுதிக்கு தகுதி பெற்றாலும், தென் ஆப்ரிக்கா, இங்கிலாந்து, ஆப்கானிஸ்தான் அணிகளுக்கு இடையே இன்னும் இழுபறி நீடிக்கிறது. இதில் இங்கிலாந்து போட்டித் தொடரிலிருந்து வெளியேறிவிட்டது.

அதேசமயம், தென் ஆப்ரிக்கா, ஆப்கானிஸ்தான் அணிகளில் யாருக்கு அரையிறுதி வாய்ப்பு அதிகம் என்பது இங்கிலாந்து தென் ஆப்ரிக்கா ஆட்டத்தின் முடிவில்தான் தெரியும். ஆஸ்திரேலியா-ஆப்கானிஸ்தானுக்கு இடையிலான ஆட்டம் நேற்று முழுமையாக நடந்திருந்தால் உறுதியான நிலை கிடைத்திருக்கும். ஆனால், மழையால் ஆட்டம் கைவிடப்பட்டதால், ஆஸ்திரேலியா, ஆப்கானிஸ்தான் அணிகளுக்கு தலா ஒரு புள்ளி தரப்பட்டது.

இதையும் படிங்க: ஆப்கான் அணியை அந்த விஷயத்தில் யாராலும் வெல்ல முடியாது... ரகசியம் உடைத்த ஜடேஜா..!

இதனால் ஆஸ்திரேலிய அணி 4 புள்ளிகளுடன் அரையிறுதிக்கு தகுதி பெற்றுவிட்டது. ஆனால், தென் ஆப்ரிக்கா 3 புள்ளிகளுடன் 2.140 வலுவான நிகர ரன்ரேட்டில் 2வது இடத்தில் இருக்கிறது. ஆப்கானிஸ்தான் அணியும் 3 புள்ளிகளுடன் இருந்தாலும், அந்த அணிக்கான அரையிறுதி வாய்ப்பு முடிந்துவிட்டதாகக் கூற இயலாது.

தென் ஆப்பிரிக்க அணி கடைசிலீக் ஆட்டத்தில் இங்கிலாந்து அணியிடம் மாபெரும் தோல்வியைச் சந்தித்தால் ஆப்கானிஸ்தானுக்கு அரையிறுதி வாய்ப்புக் கிடைக்கும். ஒருவேளை தென் ஆப்ரிக்கா வெற்றி பெற்றால் அரையிறுதி வாய்ப்பைப் பெற்று, பி பிரிவில் முதலிடத்தைப் பிடிக்கும். ஒருவேளைபோராடித் தோற்றாலும், நிகர ரன்ரேட் வலுவாக இருப்பதாலும் அரையிறதியை உறுதி செய்யும். 

லாகூரில் நேற்று நடந்த ஆப்கானிஸ்தான், பாகிஸ்தான் இடையிலான ஆட்டம் மழையால் கைவிடப்பட்டது. முதலில் பேட் செய்த ஆப்கானிஸ்தான் அணி,273 ரன்களுக்கு ஆட்டமிழந்தது. 274 ரன்கள் சேர்த்தால் வெற்றி எனும் இலக்குடன் களமிறங்கிய ஆஸ்திரேலிய அணி  12.5 ஓவர்களில் ஒரு விக்கெட் இழப்புக்கு 109 ரன்கள் சேரத்திருந்தபோது மழை குறுக்கிட்டது. டிராவிஸ் ஹெட் 59 ரன்களிலும், ஸ்மித் 19 ரன்களிலும் களத்தில் இருந்தனர். 

நீண்ட நேரமாகியும் மழை குறையாமல் இடைவெளிவிட்டு பெய்து கொண்டே இருந்தது. மழை நின்றபின் போட்டியை நடத்தும் சாத்தியங்கள் குறித்து நடுவர்கள் பலமுறை மைதானத்தை ஆய்வு செய்தனர். ஆனால், மைதானத்தில் மழைநீர் வடியவில்லை என்பதால், ஆட்டத்தை ரத்து செய்ய முடிவு செய்தனர். இதையடுத்து, போட்டி ரத்து கைவிடப்படுவதாக போட்டி நடுவர் அறிவித்தார்.ஆஸ்திரேலியா, ஆப்கானிஸ்தான் அணிகளுக்கு தலா ஒரு புள்ளி சமமாக வழங்கப்பட்டது. 

தென் ஆப்ரிக்காவுக்கு என்ன வாய்ப்பு?

தென் ஆப்ரிக்க அணிக்கு பி பிரிவில் இங்கிலாந்து அணியுடன் கடைசி லீக் ஆட்டம் மட்டும் இருக்கிறது. ஏற்கெனவே தென் ஆப்ரிக்கா 3 புள்ளிகளுடன் 2.140 நிகர ரன்ரேட்டில் வலுவாக இருக்கிறது ஏறக்குறைய அரையிறுதியை உறுதி செய்துள்ளது.

ஆனால், இங்கிலாந்துடனான ஆட்டத்தில் வென்றால், 5 புள்ளிகளுடன் அரையிறுதியை உறுதி செய்து பி பிரிவில் முதலிடத்தை தென் ஆப்ரிக்கா பிடிக்கும். ஒருவேளை தோல்வி அடைந்தாலும் மோசமான தோல்வியாக இல்லாமல் இருந்தால் அரையிறுதிக்குத் தகுதி பெற்று பிபிரிவில் 2வது இடத்தைப் பிடிக்கும்.
ஒருவேளை இங்கிலாந்து, தென்ஆப்ரிக்க ஆட்டமும் மழையால் ரத்தானால், தென் ஆப்ரிக்க அணி 4 புள்ளிகளுடன் வலுவான நிக ரன்ரேட்டில் முதலிடத்தைப் பிடித்து அரையிறுதி செல்லும்.

ஆப்கானிஸ்தானுக்கு வாய்ப்பிருக்கா?

ஆப்கானிஸ்தான் அணி 3 புள்ளிகளுடன் நிகர ரன்ரேட்டில் மைனஸ்0.99 என்று 3வது இடத்தில் இருக்கிறது. ஆப்கானிஸ்தான் அரையிறுதி செல்ல வேண்டுமானால், அது இங்கிலாந்து அணியின் கரங்களில்தான் இருக்கிறது.

அதாவது, இங்கிலாந்துக்கு எதிரான ஆட்டத்தில் தென் ஆப்ரிக்க அணி 301 ரன்களை சேஸிங் செய்யும் போது, 207 ரன்கள் வித்தியாசத்தில் தோற்க வேண்டும். ஒருவேளை இங்கிலாந்து அணி சேஸிங் செய்தால் தென் ஆப்ரிக்க அணி நிர்ணயிக்கும் 300 ரன்கள் இலக்கை 12 ஓவர்களுக்குள் சேஸிங் செய்ய  வேண்டும்.

இந்த சம்பவங்கள் ஆப்கானிஸ்தான் அணிக்கு சாதகமாக நடந்தால், ஆப்கானிஸ்தான் அணி அரையிறுதிக்குச் செல்லும் இல்லாவிட்டால் தென் ஆப்ரிக்க அணி அரையிறுதி வாய்ப்பை உறுதி செய்யும். பி பிரிவில் தென் ஆப்ரிக்கா, ஆஸ்திரேலிய அணிகள் அரையிறுதி வாய்ப்பை உறுதி செய்யும்.

ஏ பிரிவில் இந்தியா, நியூசிலாந்து இடையிலான ஆட்டமும் முடிந்தால்தான் அரையிறுதியில் எந்த அணி, எந்த அணியுடன் மோதும் என்ற விவரம் தெரியவரும். ஆனால், ஏ பிரிவில் இந்தியா, நியூசிலாந்து, பி பிரிவில் ஆஸ்திரேலியா, தென் ஆப்பிரிக்கா என்பது ஏறக்குறைய உறுதியாகியுள்ளது. 

இதையும் படிங்க: பாகிஸ்தானுக்கு மழையால் வந்த துரதிர்ஷ்டம்… ஒரே புள்ளியுடன் வெளியேறி அவமானம்..!