ட்ரெண்டிங்கில் முதலிடத்தை பிடித்த "குட் பேட் அக்லி"...! வசூல் வேட்டையிலும் சாதனை..!

நடிகர் அஜித்தின் படங்கள் வெளியாகிறது என்றால் ரசிகர்களுக்கு பேரின்பமாக இருக்கும். காரணம் அவர் இருக்கும் பிசியில் தனது ரசிகர்களுக்காக வருடத்திற்கு ஒருபடத்தை தவறாமல் கொடுத்து வருகிறார். நடிகர் அஜித்தின் நடிப்பில் வெளியான வேதாளம், வீரம், வலிமை, என்னை அறிந்தால், ஆரம்பம், பில்லா உள்ளிட்ட படங்களை யாராலும் மறக்க முடியாது. 

இருப்பினும் அஜித்தின் நடிப்பில் மிகவும் ஜாலியான திரைப்படம் என்றால் இயக்குனர் வெங்கட் பிரபு இயக்கத்தில் நடிகர் அஜித் மற்றும் ஆக்ஷன் கிங் அர்ஜுன் நடித்த "மங்காத்தா". அதில் "money money money" என பணத்தை குறித்து அவர் கூறும் வார்த்தை, தனி பாஷையாகவே மாறியுள்ளது. இப்படி இருக்க மங்காத்தாவின் தொடர்கதையாக உருவாகி உள்ளது நடிகர் அஜித்தின் புதிய திரைப்படம். 

இதையும் படிங்க: ஒரே நாளில் ட்ரிபிள் ட்ரீட் கொடுக்கும் "AK"..! இன்று வெளியாகிறது "GBU" பட ட்ரைலர்...! 

சமீபத்தில் வெளியான நடிகர் அஜித்தின் "விடாமுயற்சி" திரைப்படம் ரசிகர்கள் எதிர்பார்த்த அளவிற்கு திரையரங்குகளில் ஓடவில்லை என்றும் ஓடிடியிலும் பெரிதாக வரவேற்பு இல்லை எனவும் இப்படத்தால் தங்களுக்கு ரூபாய் 128 கோடி நஷ்டம் ஏற்பட்டுள்ளதாகவும் லைக்கா நிறுவனம் தரப்பில் இருந்து கூறப்பட்டுள்ளது. 

இதனை தொடர்ந்து, விட்ட வசூலை மீண்டும் பிடிக்கவும் ரசிகர்களுக்கு பிடித்த படத்தை கொடுக்கவும் மீண்டும் வந்திருக்கிறது மைத்திரி மூவி மேக்கர்ஸ் தயாரிப்பில் இயக்குநர் ஆதிக் ரவிச்சந்திரன் இயக்கத்தில் நடிகர் அஜித் மற்றும் த்ரிஷா, பிரசன்னா, சுனில், அர்ஜுன் தாஸ், பிரபு முதலானோர் நடித்துள்ள படம் தான் "குட் பேட் அக்லி". விடாமுயற்சியை விட இப்படம் மிகவும் அருமையாகவும் மாசாகவும் இருக்கும் என ரசிகர்கள் இணைய தளத்தில் பதிவிட்டு வருகின்றனர். 

அதுமட்டுமல்லாமல் மைத்ரி மூவி மேக்கர்ஸ் நிறுவனம் தயாரித்துள்ள இந்தப் படத்திற்கு ஜி.வி. பிரகாஷ் இசையமைத்துள்ளார்.  இந்த சூழலில் இப்படம் வருகிற ஏப்ரல் மாதம் 10-ம் தேதி அனைத்து திரையரங்குகளிலும் வெளியாக உள்ள நிலையில் நேற்று இப்படத்தின் முன்பதிவானது இரவு "08.02" மணிக்கு தொடங்கியது. அதன்படி, இதுவரை குட் பேட் அக்லி, ப்ரீ புக்கிங்கில் மட்டுமே ரூ. 6.5 கோடி வரை வசூல் செய்துள்ளது. கண்டிப்பாக முதல் நாள் வசூல் மாபெரும் சாதனையை பாக்ஸ் ஆபிஸில் படைக்கும் என எதிர்பார்க்கப்படுகிறது. 

மேலும், இப்படத்தின் பிரி புக்கிங்கில் வசூல் வேட்டையை கணிக்க ரசிகர்கள் காத்துக்கொண்டிருக்கும் வேளையில், அனைவரும் ஆவலுடன் எதிர்பார்த்து காத்து கொண்டிருந்த நடிகர் அஜித்தின் "குட் பேட் அக்லி" படத்தின் தரமான மாஸான "ட்ரைலர்" நேற்று இரவு  "09:01"க்கு வெளியானது. இதனை பார்த்த ரசிகர்கள் இப்படம் மங்காத்தாவை விட பிரமாண்டமாக இருக்கும் என கூறிவருகின்றனர். இதனை அடுத்து, ரிலீஸுக்கு இன்னும் ஐந்து நாட்களே உள்ள  நிலையில், இப்படத்தின் டிரெய்லர் 1 கோடி பார்வைகளை கடந்து யூடியூப் ட்ரெண்டிங்கில் முதலிடத்தில் உள்ளது.

இதையும் படிங்க: அஜித்தை தோற்கடித்த "குட்டி தல"...! ரேஸில் அஜித்தை திணறவிட்ட ஆத்விக்...!