மீண்டும் இணைந்த தனுஷ் - அருண் விஜய் கூட்டணி!

BTG Universal நிறுவனத்தின்  மூன்றாவது படைப்பாக,  முன்னணி நட்சத்திர நடிகர் அருண் விஜய் நடிப்பில்,  'மான் கராத்தே' இயக்குநர் கிரிஷ் திருக்குமரன் இயக்கி வரும், திரைப்படம் தான்  “ரெட்ட தல”. இந்த படத்திற்காக நடிகர் தனுஷ், பாடல் ஒன்றைப் பாடியுள்ளார்.

முன்னதாக நடிகர் தனுஷ் இயக்கத்தில், உருவாகியுள்ள 'இட்லி கடை' படத்தில் நடிகர் அருண் விஜய் வில்லனாக நடித்துள்ளார். இவர்கள் இருவரும் இணைந்து நடிப்பதால், ரசிகர்கள் மத்தியில் இப்படம் மீதான எதிர்பார்ப்பு நிலவி வருகிறது. இதை தொடர்ந்து இந்தக் கூட்டணி மீண்டும் ரெட்ட தல படத்தில் இணைந்துள்ளது, ரசிகர்களை உற்சாகத்தில் ஆழ்த்தியுள்ளது. 

இசையமைப்பாளர் சாம் CS இசையில் உருவாகியுள்ள இந்த அழகான பாடலை, தனுஷ் பாடியுள்ளார். இப்பாடலுக்கான படப்பிடிப்பு  வெளிநாட்டில் பல இடங்களில் நடத்த  திட்டமிடப்பட்டுள்ளது. விரைவில் இப்பாடலின் லிரிகல் வீடியோ வடிவில் வெளியாகும் என கூறப்படுகிறது. இரண்டு முன்னணி நட்சத்திர நடிகர்கள் எந்த வித ஈகோவும் இல்லாமல்,  இணைந்து பணியாற்றுவது ரசிகர்களிடையே பாராட்டுக்களைப் பெற்று வருகிறது. 

இதையும் படிங்க: தனுஷுக்கு நான் கொடுக்க வேண்டிய சூழ்நிலை வந்தால்.. மௌனம் கலைத்த செல்வராகவன்!!

நடிகர் அருண் விஜய் நாயகனாக நடிக்கும் இப்படத்தில், சித்தி இத்னானி அவருக்கு ஜோடியாக நடிக்கிறார், இவர்களுடன் தான்யா ரவிச்சந்திரன், ஹரீஷ் பேரடி, யோகேஷ் சாமி, ஜான் விஜய், பாலாஜி முருகதாஸ் ஆகியோர் முக்கிய கதாபாத்திரங்களில் நடிக்கிறார்கள்.  இப்படத்தினை BTG Universal நிறுவனம் சார்பில் திரு.பாபி பாலச்சந்திரன், மிகப்பெரும் பொருட்செலவில்,  அருண் விஜய் திரை வாழ்க்கையில் இதுவரை இல்லாத வகையில் மிகப்பிரம்மாண்ட படைப்பாகத் தயாரிக்கிறார். 

தமிழ் திரையுலகில் பல முன்னணி தயாரிப்பு நிறுவனங்களில் தலைமை நிர்வாக இயக்குநராக பணியாற்றிய டாக்டர் M. மனோஜ் பெனோ, தற்போது BTG Universal நிறுவனத்தின் தலைமை திட்ட இயக்குநராக பொறுப்பேற்று திரைப்படங்களின் அனைத்து நிர்வாகப் பணிகளையும் செய்து வருகிறார் என்பது குறிப்பிடத்தக்கது.   

இதையும் படிங்க: சூடுப்பிடிக்கும் கதிரேசன் - தனுஷ் வழக்கு.. இட்லி கடை படத்திற்கு சிக்கலா?