வரலாறு காணாத உச்சம் தொட்ட தங்கம் விலை; ஒரே நாளில் சவரனுக்கு இவ்வளவு உயர்வா?

தங்கம் விலை கடந்த சில நாட்களாகவே கிடுகிடுவென உயர்ந்து வருகிறது. தற்போது சவரன் 62 ஆயிரத்தை நெருங்கி வருவது நகைப்பிரியர்களை அதிர்ச்சியில் ஆழ்த்தியுள்ளது. 

தங்கம் விலை நிலவரம்:

சென்னையில் இன்று (வெள்ளி கிழமை) சில்லறை விற்பனைச் சந்தையில் 22 காரட் தங்கம் கிராமிற்கு 120 ரூபாய் அதிகரித்து 7 ஆயிரத்து 730 ரூபாய்க்கும், சவரனுக்கு 960 ரூபாய் அதிகரித்து 61 ஆயிரத்து 840 ரூபாய்க்கும் விற்பனையாகி வருகிறது. 

இதையும் படிங்க: Gold Rate Today: தங்கத்தை விடுங்க இனி வெள்ளியைக் கூட வாங்க முடியாது போலயே... ஷாக்கடிக்கும் இன்றைய விலை நிலவரம்! 

அதேபோல் 24 காரட் சுத்த தங்கம் கிராமிற்கு 131 ரூபாய் அதிகரித்து 8 ஆயிரத்து 432 ரூபாய்க்கும், சவரனுக்கு ஆயிரத்து 48  ரூபாய் அதிகரித்து 67 ஆயிரம் 456 ரூபாய்க்கும் விற்பனையாகிறது. 

வெள்ளி விலை: 

சென்னையில் இன்று (வெள்ளி கிழமை) வெள்ளி விலை கிராமிற்கு ஒரு ரூபாய் உயர்ந்து ஒரு கிராம் 107 ரூபாய்க்கும், கிலோவிற்கு ஆயிரம் ரூபாய் உயர்ந்து  ஒரு கிலோ வெள்ளி ஒரு லட்சத்து 7 ஆயிரம் ரூபாய்க்கும் விற்பனையாகிறது. 

உயர்வுக்கான காரணம் என்ன? 

அமெரிக்க பெடரல் ரிசர்வ் வங்கி வட்டி விகிதத்தை மாற்றாத நிலையில், முதலீட்டாளர்களின் கவனம் மீண்டும் தங்கத்தின் மீது திரும்பியுள்ளது. இதனால் சர்வதேச சந்தையில் தங்கம் மற்றும் வெள்ளியின் விலை கிடுகிடுவென உயர்ந்து வருகிறது. 

இதையும் படிங்க: தங்கம் கொடுத்த டபுள் ட்ரீட்... 2வது நாளாக இவ்வளவு குறைவா? - உடனே நகை வாங்க கிளம்புங்க!