உலகின் மிக உயர்ந்த தலைவர்... பிரதமர் மோடியை ஆஹா ஓஹோவென புகழும் சந்திரபாபு நாயுடு..!

பிரதமர் மோடியின் தலைமையில் இந்தியா மென்மேலும் வளர்ச்சியடையும்  என ஆந்திர பிரதேச முதல்வர் சந்திரபாபு நாயுடு வாழ்த்து தெரிவித்துள்ளார்.

இது குறித்து பேசியுள்ள அவர், ‘‘பிரதமரின் உறுதிப்பாட்டால் ஈர்க்கப்பட்டுள்ளேன். பிரதமர் மோடி தனது தலைமையின் கீழ் இந்தியாவை முன்னோக்கி அழைத்துச் செல்கிறார். அவரது தலைமையின் கீழ் இந்தியா மேலும் வளமானதாக மாறும். நாம் அனைவரும் அவரை நினைத்து பெருமைப்படுகிறோம். சமீபத்திய சட்டமன்றத் தேர்தலில், நாங்கள் (தெலுங்கு ஜனநாயகக் கட்சி, ஜன சேனா மற்றும் பாஜக) இணைந்து போட்டியிட்டோம். மக்கள் சாதனைத் தீர்ப்பை வழங்கினர். எங்கள் வெற்றி விகிதம் 93 சதவீதமாக இருந்தது.

சட்டமன்றத் தேர்தலில் 164 இடங்களை வென்றோம், மக்களவைத் தேர்தலில் 21 இடங்களைக் கைப்பற்றினோம். இந்த கூட்டணி எதிர்காலத்திலும் தொடரும். ஹரியானா மற்றும் மகாராஷ்டிராவில் தேசிய ஜனநாயகக் கூட்டணியின் வெற்றி பிரதமர் மோடியின் கவர்ச்சியால் மட்டுமே நிகழ்ந்தது. நாட்டின் நலனுக்காக பிரதமர் மோடி கடுமையாக பாடுபடுவதால், மக்கள் எப்போதும் அவருக்கு துணையாக இருப்பார்கள்.

இதையும் படிங்க: அஜ்மீர் ஷெரீப் தர்கா அல்ல... கோயில்! சாதர் கொடுக்க இந்து சேனா பிரதமர் மோடிக்கு கடும் எதிர்ப்பு..!

பிரதமர் மோடி வளர்ச்சி, சீர்திருத்தம் மற்றும் நல்லாட்சி போன்ற முழக்கங்களுடன் நாட்டை முன்னோக்கி அழைத்துச் செல்கிறார். பிரதமர் கிசான் நிதி, மேக்-இன்-இந்தியா, திறன் இந்தியா, டிஜிட்டல் இந்தியா போன்ற திட்டங்கள் வெற்றிகரமாக உள்ளது. பிரதமர் மோடியின் தலைமையில் இந்தியா உலகின் முதல் அல்லது இரண்டாவது பெரிய பொருளாதாரமாக மாறும்’’என்று புகழ்ந்துள்ளார்.

ஆந்திரப் பிரதேசத்தின் விசாகப்பட்டினத்தில் புதன்கிழமை பிரதமர் மோடி ரூ.2 லட்சம் கோடிக்கு மேல் மதிப்புள்ள பல்வேறு வளர்ச்சித் திட்டங்களை அடிக்கல் நாட்டி தொடங்கி வைத்தார். பசுமை எரிசக்தி, சாலை மற்றும் போக்குவரத்து, ரயில்வே மற்றும் தொழில்துறை தொடர்பான இந்தத் திட்டங்கள் பிராந்திய வளர்ச்சி மற்றும் வேலைவாய்ப்புக்கு ஊக்கமளிக்கும்.

இதையும் படிங்க: எதிர்கட்சிகள் பக்கம் கேமரா திரும்பாதா? - இபிஎஸ் கேள்வி...