‘இந்தியா உங்களை தோற்கடிக்கும்...’ நாக்கில் விஷம் ஏற்றி பாகிஸ்தானை உசுப்பேற்றும் அக்தர்..!

எப்போதும் போல, இந்தியாவுக்கும், பாகிஸ்தானுக்கும் இடையிலான போட்டி பரபரப்பாகி வருகிறது. கிரிக்கெட் முன்னாள் ஜாம்பவான்கள் கருத்து தெரிவித்து வருகின்றனர். பெட்டிங் ஒருபுறம் சூடுபறக்கத் தொடங்கி உள்ளது. 2025 சாம்பியன்ஸ் டிராபி, நாளை நடைபெறும் இந்தப் போட்டி குறித்து இரு நாடுகளின் வீரர்கள், முன்னாள் வீரர்கள், ஊடகங்கள் மற்றும் ரசிகர்கள் மத்தியில் சமமான உற்சாகமும் நிலவுகிறது. இருந்தபோதும், பாகிஸ்தானுக்கு இந்தப் போட்டி குறித்து சில பயம் உள்ளது.

பாகிஸ்தான் ரசிகர்களும், முன்னாள் கிரிக்கெட் வீரர்களும் தங்கள் சொந்த அணியின் மீது அதிக நம்பிக்கை வைக்காததே காரணம். பாகிஸ்தானின் முன்னாள் வேகப்பந்து வீச்சாளர் சோயிப் அக்தராலும் தனது பயத்தை மறைக்க முடியவில்லை. இந்திய பேட்ஸ்மேன்கள் பாகிஸ்தானை நன்றாக வீழ்த்துவார்கள் என்பதை வெளிப்படையாகவே ஏற்றுக்கொண்டார்.

சாம்பியன்ஸ் டிராபியில் ஏற்கனவே தலா ஒரு போட்டியில் விளையாடியுள்ள இந்தியா - பாகிஸ்தானுக்கு இந்த போட்டி முக்கியமானது. இரு நாடுகளின் பழைய வரலாறும் ஒரு பெரிய காரணம். இரண்டாவதாக, இந்தப் போட்டிக்காக இந்திய அணி பாகிஸ்தானுக்குச் செல்லாததால், சூழல் முன்பை விட வித்தியாசமாக உள்ளது. குறிப்பாக பாகிஸ்தானில், இந்தப் போட்டிக்கான மிகுந்த பரபரப்பு நிலவுகிறது.

இதையும் படிங்க: பாகிஸ்தானில் ஒலித்த இந்திய தேசிய கீதம்... பாதியிலேயே நிறுத்தம் ஏன்..?

பாகிஸ்தான் ரசிகர்கள் முதல், முன்னாள் கிரிக்கெட் வீரர்கள் வரை அனைவரும் இந்தியாவுக்கு பாடம் கற்பிக்கப் போவதாக மிரட்டி வருகின்றனர். ஆனால், நிலைமை முற்றிலும் வேறுபட்டது.இந்தப் போட்டி பாகிஸ்தானின் இருப்பு பற்றிய கேள்வி.

கிரிக்கெட் வரலாற்றில் வேகப்பந்து வீச்சாளரான ஷோயப் அக்தரும், பாகிஸ்தான் அணி இந்தியாவை வெல்வது எளிதல்ல என்பதை அவர் அறிந்துள்ளார். சாம்பியன்ஸ் டிராபியின் இந்த பெரிய போட்டிக்கு முன்பு, முன்னாள் பாகிஸ்தான் வேகப்பந்து வீச்சாளர் ஷோயப் அக்தர், தனது யூடியூப் சேனலில் ஒரு வீடியோவை வெளியிட்டுள்ளார். “இந்தியா உங்களை மோசமாக தோற்கடிக்கும். அவர்களது பேட்டிங் ஒரு முடிவற்ற கதை. அவர்கள் போட்டியில் மிகவும் வலுவாக உள்ளார்கள். அவரது பந்துவீச்சும் சிறப்பாக உள்ளது" என்று தெரிவித்துள்ளார்.

ஒவ்வொரு பாகிஸ்தானியரையும் போலவே,  இந்தியா அணியை பாராட்டிய போதிலும், அக்தரும் நாளை தனது அணி இந்தியாவை தோற்கடிக்க வேண்டும் என்ற விருப்பத்தை மறைமுகமாக வெளிப்படுத்தியுள்ளார்."இந்தியாவை தோற்கடிக்க பாகிஸ்தான் மிகச் சிறப்பாக விளையாட வேண்டும் என்று நான் விரும்புகிறேன். இந்தப் போட்டியில் இந்தியா தோற்க வேண்டும் என்று நான் விரும்புகிறேன். ஆனால் இந்தப் போட்டியை வெல்ல இந்தியா மிகச் சிறந்த அணி என்பது தெளிவாகிறது''என்றும் அக்தர் கூறியுள்ளார். 

ஆனாலும், சாம்பியன்ஸ் டிராபியில் இந்தியா-பாகிஸ்தான் மோதலின் சாதனை தற்போது போட்டியை நடத்தும் அணிக்குச் சாதகமாக உள்ளது. சாம்பியன்ஸ் டிராபியில் பாகிஸ்தான் இந்தியாவை 3 முறை தோற்கடித்துள்ளது. அதே நேரத்தில் இந்திய அணி இரண்டு முறை மட்டுமே வென்றுள்ளது. ஆனால், துபாயில் விளையாடுவதைப் பொறுத்தவரை, இந்திய அணி, ஆதிக்கம் செலுத்துகிறது. 

இந்த மைதானத்தில் இரு அணிகளுக்கும் இடையே இரண்டு ஒருநாள் போட்டிகள் நடந்துள்ளன. இரண்டிலும் இந்தியா எளிதாக வென்றது. 2018 ஆம் ஆண்டுக்குப் பிறகு முதல் முறையாக, இந்த மைதானத்தில் இந்தியாவுக்கும், பாகிஸ்தானுக்கும் இடையே ஒரு ஒருநாள் போட்டி நடைபெறவுள்ளது.
 

இதையும் படிங்க: ஐசிசி சாம்பியன்ஸ் டிராபி...முதல் போட்டியில் 60 ரன்கள் வித்தியாசத்தில் பாகிஸ்தானை காலி செய்தது நியூசிலாந்து..!