முதல் வெற்றியை பதிவு செய்த மும்பை இந்தியன்ஸ்... மிரண்டு போன கொல்கத்தா நைட் ரைடர்ஸ் !!

2025 ஐபிஎல் தொடரில் இன்றைய ஆட்டத்தில் கொல்கத்தா நைட் ரைடர்ஸ் அணியும் மும்பை இந்தியன்ஸ் அணியும் மோதுகின்றன. வான்கடே மைதானத்தில் நடைபெற்று வரும் இந்த போட்டியில் டாஸ் வென்ற மும்பை அணி பந்துவீச்சை தேர்வு செய்தது. இதை அடுத்து களமிறங்கிய கொல்கத்தா நைட் ரைடர்ஸ் அணி மும்பை அணியின் பவுலர்களை எதிர்கொள்ள முடியாமல் தொடக்கம் முதலே தடுமாறினர்.  ஏழு ஓவர்களில் 5 விக்கெட்டுகளை இழந்து 45 ரன்கள் மட்டுமே எடுத்திருந்தது. அணியின் துவக்க வீரர் சுனில் நரைன் இரண்டு பந்துகளில் ரன் ஏதும் எடுக்காமல் ட்ரெண்ட் போல்ட் பந்துவீச்சில் ஆட்டமிழந்தார்.

அவரைத் தொடர்ந்து அந்த அணியின் அதிரடி பேட்ஸ்மேன் குவின்டன் டி காக் இரண்டாவது ஓவரின் முதல் பந்தில் தீபக் சஹார் பந்துவீச்சில் ஆட்டமிழந்தார். அதன் பின் கொல்கத்தா அணியின் கேப்டன் அஜிங்க்யா ரஹானே மற்றும் அங்குரிஷ் ரகுவன்ஷி அதிரடியாக விளையாட முயன்றனர். அஜிங்க்யா ரஹானே 7 பந்துகளில் 11 ரன்கள் எடுத்த நிலையில் நான்காவது ஓவரின் முதல் பந்தில் அஸ்வனி குமார் பந்துவீச்சில் கேட்ச் கொடுத்து ஆட்டமிழந்தார். அடுத்து ஐந்தாம் வரிசையில் வெங்கடேஷ் ஐயர் களம் இறங்கினார். அவர் ஆறாவது ஓவரில் தீபக் சஹார் பந்துவீச்சில் கேட்ச் கொடுத்து ஆட்டமிழந்தார்.

இதையும் படிங்க: வான்கடேவில் சுருண்டது KKR... அனைத்து விக்கெட்டுகளை வீழ்த்திய MI!!

வெங்கடேஷ் ஐயர் ஒன்பது பந்துகளில் 3 ரன்கள் மட்டுமே எடுத்து இருந்தார். மறுபுறம் அங்குரிஷ் ரகுவன்ஷி விக்கெட் வீழ்ச்சிக்கு இடையே அதிரடியாக ஆடி வந்தார். அவர் 16 பந்துகளில் 26 ரன்கள் எடுத்த நிலையில் ஹர்திக் பாண்டியாவின் பந்துவீச்சில் ஆட்டமிழந்தார். இதை அடுத்து கொல்கத்தா நைட் ரைடர்ஸ் அணி 7 ஓவர்களில் 5 விக்கெட் இழப்பிற்கு 45 ரன்கள் மட்டுமே எடுத்தது. பின்னர் களமிறங்கிய ரிங்கு சிங் 17 ரன்களிலும், மனீஷ் பாண்டே 19 ரன்களிலும், ஆண்ட்ரே ரஸ்ஸல் மற்றும் ஹர்ஷித் ராணா மிக சொற்ப ரன்களிலும் ஆட்டமிழந்தனர்.

மும்பை அணியின் வெறித்தனமான பவுலிங்கை எதிர்கொள்ள முடியாமல் 17வது ஓவர் முடிவதற்குள் வெறும் 116 ரன்கள் எடுத்திருந்த நிலையில் கொல்கத்தா அணி அனைத்து விக்கெட்டுகளையும் இழந்தது. இதை அடுத்து 117 ரன்கள் எடுத்தால் வெற்றி என்ற இலக்குடன் களமிறங்கிய மும்பை அணி தொடக்கம் முதலே அதிரடி ஆட்டத்தை வெளிப்படுத்தியது. தொடக்க வீரராக களமிறங்கிய ரோஹித் சர்மா 12 பந்துகளில் 13 ரன்கள் எடுத்து ஆட்டமிழந்தார்.

பின்னர் களமிறங்கிய வில் ஜாக்ஸ் 1 சிக்ஸர் அடித்து 17 பந்துகளில் 16 ரன்கள் அடித்து ஆட்டமிழந்தார். மறுபுறம் ரியான் ரிக்கல்டன் நிதனமாக ஆடி 41 பந்துகளில் 5 சிக்ஸர்கள் மற்றும் 4 பவுன்ட்ரிகள் அடித்து விளாசினார். அவருக்கு கூட்டணியாக வந்த சூர்யகுமார் யாதவ் பந்துகளை அனைத்து திசைகளிலும் அடித்து விளாசினார். வெறும் ஒன்பது பந்துகளில் 27 ரன்களை குவித்து அணியை வெற்றி பெற செய்தார். இதன் மூலம் மும்பை இந்தியன்ஸ் அணி 8 விக்கெட் வித்தியாசத்தில் கொல்கத்தா நைட் ரைடர்ஸ் அணி வீழ்த்தி மும்பை இந்தியன்ஸ் அணி வெற்றி பெற்றது. 

இதையும் படிங்க: ராஜஸ்தான் அணி கேப்டனுக்கு ரூ.12 லட்சம் அபராதம்.. ஏன் தெரியுமா? இதுதான் காரணமாம்!!