அமெரிக்காவில் தொடங்கப்பட்டுள்ள வழக்கில் இந்திய கோடீஸ்வரர் கவுதம் அதானிக்கு திருப்பம் ஏற்பட்டுள்ளது. அமெரிக்காவில் பிடென் நிர்வாகத்தின் போது தொடங்கப்பட்ட விசாரணையில் கௌதம் அதானிக்கு பெரிய நிம்மதி கிடைத்துள்ளது. இந்த விவகாரத்தில் அதானிக்கு அமெரிக்க காங்கிரஸ் எம்.பி.யின் ஆதரவு கிடைத்துள்ளது. இந்திய கோடீஸ்வரர் கௌதம் அதானியின் செயல்பாடுகளை விசாரிக்கும் பிடன் நிர்வாகத்தின் முடிவை குடியரசுக் கட்சி எம்.பி லான்ஸ் குடன் எதிர்த்துள்ளார்.

2025 ஆம் ஆண்டு ஜனவரி 7 ஆம் தேதி அமெரிக்க அட்டர்னி ஜெனரல் மெரிக் கார்லண்டிற்கு லான்ஸ் குடன் எழுதிய கடிதத்தில்,   ‘‘இதுபோன்ற தேர்ந்தெடுக்கப்பட்ட நடவடிக்கைகள் இந்தியா போன்ற முக்கிய கூட்டாளிகளின் முக்கிய விவகாரங்களை பலவீனப்படுத்தக்கூடும். இந்தியா ஒப்படைப்பு கோரிக்கைக்கு இணங்க மறுத்தால் அமெரிக்கா என்ன செய்யும்? அதானி மீதான நடவடிக்கைகள் அமெரிக்காவின் உலகளாவிய கூட்டணி நாடுகளின் நட்புறவு, பொருளாதார வளர்ச்சிக்கு தீங்கு விளைவிக்காதா?

நீதித்துறையின் தேர்ந்தெடுக்கப்பட்ட நடவடிக்கைகள், ஆசிய-பசிபிக் பிராந்தியத்தில் அமெரிக்காவின் வலிமையான கூட்டாளிகளில் ஒன்றான இந்தியா போன்ற முக்கிய நட்பு நாடுகளின் அச்சுறுத்தலை ஏற்படுத்தும்.
இதுபோன்ற நிர்வாக நடவடிக்கைகள் அமெரிக்காவில் பில்லியன் கணக்கான டாலர்களை முதலீடு செய்து ஆயிரக்கணக்கான வேலைகளை உருவாக்கும் நிறுவனங்களை குறிவைக்கும். வன்முறைக் குற்றம், பொருளாதார உளவு மற்றும் சீன கம்யூனிஸ்ட் கட்சி ஆகியவற்றால் ஏற்படும் அச்சுறுத்தல்களை அமெரிக்கா புறக்கணிக்கும் போது, ​​முதலீட்டாளர்களை அமெரிக்காவில் முதலீடு செய்வதை ஊக்கப்படுத்துகிறது.

இதையும் படிங்க: பெட்டி பெட்டியாய் வைத்தும் குட்டிப்பையன் வைத்த ஆப்பு... கென்யாவில் பொடியனை ஹீரோவாக்கிய அதானி..!

அமெரிக்க நலன்களுடன் தொடர்புடைய வழக்குகளைத் தொடர்வதற்குப் பதிலாக, வெளிநாட்டில் வதந்திகளைத் துரத்துவதை விட உள்நாட்டில் உள்ள மோசடி நபர்களை தண்டிப்பதில் நீதித்துறை கவனம் செலுத்த வேண்டும்’’ என்று அவர் அந்தக் கடிதத்தில் தெரிவித்துள்ளார்.

இதையும் படிங்க: அதிமுகவிற்கு ஆதரவாக களமிறங்கிய காங்கிரஸ் எம்.பி...! ஒற்றை கேள்விக்கே அதிர்ந்து போன திமுக!