மிக மோசமாக ஆடிய சென்னை சூப்பர் கிங்ஸ்… ஈசியாக தட்டி தூக்கிய கொல்கத்தா நைட் ரைடர்ஸ்!!

2025 ஐபிஎல் சீசனில் இன்றைய போட்டி சென்னை சூப்பர் கிங்ஸ் அணிக்கும் கொல்கத்தா நைட் ரைடர்ஸ் அணிக்கும் இடையே நடைபெற்று வருகிறது. இதில் முதலில் டாஸ் வென்ற கொல்கத்தா அணி பந்துவீச்சை தேர்வு செய்தது. இதை அடுத்து களமிறங்கிய சிஎஸ்கே அணியின் தொடக்க வீரர்களாக ரச்சின் ரவீந்திராவும் கான்வேவும் களமிறங்கினர். பவர் பிளேவை சிறப்பாக பயன்படுத்தி ரன்களை குவிப்பார்கள் என என எதிர்பார்க்கப்பட்டது. ஆனால் சிஎஸ்கே அணி 21 ரன்கள் அடிக்க 5.3 ஓவர்கள் எடுத்துக் கொண்டனர். இதில் 2 விக்கெட்டுகளையும் இழந்தனர்.

கான்வே 12 ரன்களிலும் ரச்சின் ரவீந்திரா 4 ரன்களிலும் ஆட்டமிழந்தனர். பின்னர் களமிறங்கிய ராகுல் திருப்பாதி, 22 பந்துகளில் வெறும் 16 ரன்கள் மட்டுமே எடுத்து ஆட்டமிழந்தார். அதன்பிறகு வரிசையாக விக்கெட்டுகள் வீழ்ந்ததால் அணியின் ஸ்கோர் 100-ஐ தாண்டவே தடுமாறியது. விஜய் சங்கர் 29 ரன்களிலும் ராகுல் திரிப்பாதி 16 ரன்களிலும் அஸ்வின் 1 ரன்னிலும் ஆட்டமிழந்தனர். பெரிதும் நம்பப்பட்ட ஜடேஜா டக் அவுட் ஆனார். அவரை தொடர்ந்து வந்த ஹூடாவும் டக் அவுட் ஆனார். இதனால் ரசிகர்கள் கவலையடைந்தனர். பின்னர் வந்த தோனி அடித்து அணியை மீட்பார் என எதிர்பார்க்கப்பட்ட நிலையில் அவரும் பந்துகளை அடிக்க தடுமாறினார்.

இதையும் படிங்க: அதல பாதாளத்தில் சிஎஸ்கே... இதை விட மோசமா விளையாடவே முடியாது; ரசிகர்கள் விமர்சனம்!!

4 பந்துகளை சந்தித்த அவர் 1 ரன் மட்டுமே எடுத்து அவுட் ஆனார். பின்னர் வந்த நூர் அகமதும் 1 ரன்னில் ஆட்டமிழந்தார். துபே சற்று நிதானமாக ஆடி அணியின் ஸ்கோர் 100-ஐ கடக்க செய்தார். இதனால் சென்னை சூப்பர் கிங்ஸ் அணி 20 ஓவர் முடிவில் 9 விக்கெட் இழப்பிற்கு 103 ரன்கள் எடுத்தது. இதை அடுத்து 104 எடுத்தால் வெற்றி என்ற இலக்குடன் களமிறங்கிய கொல்கத்தா அணியின் தொடக்க வீரர்கள் அபாரமான ஆட்டத்தை வெளிப்படுத்தினர். தொடக்க வீரர்களாக டிகாக் மற்றும் சுனில் நரைன் கூட்டணி சிறப்பான ஆடினர்.

டிகாக் 16 பந்துகளில் 3 சிக்ஸர்கள் அடித்து 23 ரன்கள் குவித்து ஆட்டமிழந்தார். சுனில் நரைன் 18 பந்துகளில் 2 பவுண்ட்ரிகள் 5 சிக்ஸர்கள் அடித்து விளாசி 44 ரன்கள் குவித்து ஆட்டமிழந்தார். பின்னர் வந்த அஜின்கியா ரகானே மற்றும் ரிங்கு சிங் நிதானமாக ஆடி அணியை வெற்றியை நோக்கி அழைத்து சென்றனர். இதன்மூலம் கொல்கத்தா அணி 10.1 ஓவரிலேயே 2 விக்கெட் இழப்பிற்கு 107 ரன்கள் குவித்து மிக எளிதாக வெற்றி பெற்றது. இதன் மூலம் சென்னை சூப்பர் கிங்ஸை 8 விக்கெட் வித்தியாசத்தில் வீழ்த்தியது கொல்கத்தா நைட் ரைடர்ஸ்.

இதையும் படிங்க: மீண்டும் கேப்டனாக முடிசூடிய தோனி... எத்தனை போட்டிக்கு..? ருத்ராஜின் நிலை என்ன..?