பாகிஸ்தானுடனான பதற்றத்திற்கு இடையே ஆப்கானிஸ்தான் வெளியுறவு அமைச்சர் மவ்லவி அமீர் கான் முத்தாகி இன்று காபூலில் இந்தியாவின் சிறப்புத் தூதரும், வெளியுறவு அமைச்சகத்தின் ஆப்கானிஸ்தான்-ஈரான், பாகிஸ்தான் பிரிவின் தலைவருமான ஆனந்த் பிரகாஷை சந்தித்தார்.
இந்த சந்திப்பில், இந்தியாவுடன் ராஜதந்திர, பொருளாதார உறவுகளை வலுப்படுத்த தாலிபான்கள் விருப்பம் தெரிவித்தனர். இது பாகிஸ்தானுக்கு பெரும் ராஜதந்திர பின்னடைவாக கருதப்படுகிறது. பஹல்காம் தாக்குதலை ஆப்கானிஸ்தான் வெளியுறவு அமைச்சர் கண்டித்து, இந்தியாவிற்கு ஆதரவை உறுதியளித்த விதத்தில் இருந்து, பாகிஸ்தானின் பிரச்சினைகள் அதிகரிக்கப் போகின்றன என்பது தெளிவாகிறது.
இந்த சந்திப்பு குறித்து தலிபான் வெளியுறவு அமைச்சகமும் ஒரு அறிக்கையை வெளியிட்டுள்ளது. அதில், ''இந்தியாவுடனான உறவுகளை முன்னோக்கி எடுத்துச் செல்கிறது. ஆப்கானிஸ்தானின் திட்டங்களில் முதலீடு செய்ய இந்திய முதலீட்டாளர்கள் முன்வர வேண்டும். இரு நாடுகளும் வர்த்தகத்தில் போக்குவரத்து பிரச்சினை குறித்தும் விவாதித்தோம். ஆப்கானிஸ்தான் குடிமக்கள், குறிப்பாக வர்த்தகர்கள், நோயாளிகள் மற்றும் மாணவர்களுக்கு இந்திய விசா நடைமுறையை இயல்பாக்க வேண்டும்'' என்று தாலிபான்கள் கோரினர்.
இதையும் படிங்க: இந்தியாவே எங்களை அச்சுறுத்தாதே... ஏற்கெனவே நாங்கள் செத்த பாம்புதான்... பாகிஸ்தானின் பரிதாபம்..!
இந்தியா-பாகிஸ்தான் பதற்றம், ஆப்கானிஸ்தான்-பாகிஸ்தான் எல்லையில் அதிகரித்து வரும் மோதல்கள் குறித்து இந்த நேரத்தில் நடந்து வரும் விவாதம் பாகிஸ்தானுக்கு ஒரு பிரச்சனையாக மாறக்கூடும். பாகிஸ்தானுக்கும் தலிபானுக்கும் இடையிலான பதற்றம் உச்சத்தில் இருக்கும் நேரத்தில் இந்த சந்திப்பு நடந்துள்ளது. கிழக்கு ஆப்கானிஸ்தானில் பாகிஸ்தான் நடத்திய சமீபத்திய வான்வழித் தாக்குதல்களில் பலர் கொல்லப்பட்டனர். இது தலிபான்கள் தங்கள் இறையாண்மையை மீறுவதாகக் கூறினர்.
தெஹ்ரீக்-இ-தாலிபான் பாகிஸ்தான் தொடர்பாக இரு நாடுகளுக்கும் இடையே குற்றச்சாட்டுகளும் எதிர் குற்றச்சாட்டுகளும் தொடர்கின்றன. இந்தியாவுடன் நட்பை அதிகரிக்க தலிபான்கள் மேற்கொண்ட முயற்சி பாகிஸ்தானுக்கு ராஜதந்திர தோல்வியாகக் கருதப்படுகிறது.
ஆப்கானிஸ்தான் பாகிஸ்தானின் எல்லை நாடு. பாகிஸ்தானால் இந்தியா எவ்வளவு சிரமப்படுகிறதோ, அதே அளவுக்கு ஆப்கானிஸ்தானும் அதே அளவுக்குக் கவலையில் உள்ளது. அவ்வப்போது பாகிஸ்தான் இராணுவம் ஆப்கானிஸ்தான் மண்ணைத் தாக்குகிறது. பாகிஸ்தானிலிருந்து ஆப்கானியர்கள் வெளியேற்றப்படுகிறார்கள். அவர்கள் துஷ்பிரயோகம் கூட செய்யப்படுகிறார்கள்.
இது மட்டுமல்ல, பாகிஸ்தான் தலைவர்கள் தாலிபான்களை ஒழிக்க சபதம் செய்கிறார்கள். இந்நிலையில், தாலிபான்கள் இந்தியாவுடன் நின்று பாகிஸ்தானுக்கு பதிலளிக்க முடியும். இந்தியா, ஆப்கானிஸ்தான் மண்ணிலிருந்து பாகிஸ்தானுக்கு பதிலளித்தால், அது முழுமையான தாக்குதலை எதிர்கொள்ள நேரிடும். பாகிஸ்தானால் இதைச் சமாளிப்பது கடினமாக மட்டுமல்ல, சாத்தியமற்றதாகவும் மாறும்.
இதையும் படிங்க: பாகிஸ்தானியர்கள் 'படுக்கையில்' நீடிப்பார்கள்... 'கூர்மையை' பார்த்து இந்தியர்கள் திரும்புவார்கள்.. கேடுகெட்ட பெண்..!