நாட்டின் தலைநகரான டெல்லியில் முகலாய கால பெயர்களைக் கொண்ட சாலைகளுக்கு மறுபெயரிட வேண்டும் என்ற நீண்டகால கோரிக்கை படிப்படியாக வடிவம் பெற்று வருகிறது.

அதற்கான சமீபத்திய உதாரணம் துக்ளக் பாதை. அங்கு பல தலைவர்கள் மற்றும் உயர் அதிகாரிகளின் வீடுகளில் புதிய பெயர் பலகைகள் நிறுவப்படுகின்றன. முக்கியமாக சுவாமி விவேகானந்தர் மார்க் மற்றும் துக்ளக் பாதை என்று கீழே சிறிய எழுத்துக்களில் பொறிக்கப்பட்டு உள்ளன.

நன்கு அறியப்பட்ட துக்ளக் பாதையை சுவாமி விவேகானந்தா மார்க் என்று பெயர் மாற்றம் செயல்முறை அதிகாரப்பூர்வமாக தொடங்கியுள்ளது. மாற்றத்தை குறிக்கும் வகையில் அப்பகுதியில் உள்ள வீடுகளில் புதிய பெயர் பலகைகள் இப்போது வைக்கப்படுகின்றன. புதுப்பிக்கப்பட்ட பெயர் பலகைகளை பெற்ற வீடுகளில் ராஜ்யசபாவும் அடங்கும். எம் பி டாக்டர் தினேஷ் சர்மா பரிதாபாத் எம் பி கிருஷ்ண பால் குர்ஜார் மற்றும் வைய்ஸ் அட்மிரல் கிரண் தேஷ் முக் ஆகியோரின் வீடுகளும் அங்கு உள்ளன. 

இதையும் படிங்க: யமுனை நதியில் 1,300 டன் கழிவு குப்பைகள் அகற்றம்... படகில் சென்று டெல்லி அமைச்சர் ஆய்வு..!

இந்த மாற்றம் குறித்து தினேஷ் சர்மா கூறும்போது "நான் மட்டும் இதை தொடங்கவில்லை. மற்றவர்கள் ஏற்கனவே இதை முன் வைத்து இருந்தனர். முகமது பின் துக்ளக் ஒரு முட்டாள்தனமான மற்றும் பைத்தியக்கார ஆட்சியாளர். இந்தியாவில் இந்துக்கள் அல்லாத ஆட்சியாளர்கள் அனைவரும் மோசமானவர்கள் என்பதல்ல. ஆனால் அவருடைய ஆட்சி குழப்பமானதாக இருந்தது. அவர் மக்களை வலுக்கட்டாயமாக தவுலதா பாத்திற்கு மாற்றினார். மற்றும் பிற மத சமூகங்களை ஒதுக்கினார்.

நான் வந்தபோது பெயர் பலகை ஏற்கனவே சுவாமி விவேகானந்தர் மார்க் மற்றும் துக்ளக் லேன் அடைப்பு குறிக்குள் இருப்பதை கண்டேன். தனிப்பட்ட முறையில் இது அதிகாரப்பூர்வமாக மறு பெயிரிடப்பட வேண்டும் என்று நான் நம்புகிறேன். முகலாய தோட்டங்கள் மற்றும் அவுரங்கசீப் சாலை போன்ற இடங்கள் நம்மிடம் இருப்பது துரதிஷ்டவசமானது. அதற்கு பதிலாக ஏபிஜே அப்துல் கலாம் மற்றும் அப்துல் ஹமீத் போன்ற பெயர்களை நாம் கவனிக்க வேண்டும்.

பெயர் மாற்றங்கள் மதத்தின் அடிப்படையில் அல்ல; செயல்கள் மற்றும் பங்களிப்புகளின் அடிப்படையில் இருக்க வேண்டும். இருப்பினும் இந்தப் பகுதியில் உள்ள அனைத்து குடியிருப்புகளும் இன்னும் புதிய பெயர் பலகையை ஏற்கவில்லை. பல வீடுகளில் துக்ளக் லேன் என்று எழுதப்பட்ட பழைய பெயர் பலகைகள் இன்னும் உள்ளன. இருப்பினும் இந்த பகுதியில் புதிதாக ஒதுக்கப்பட்ட அரசு குடியிருப்புகளின் சுவாமி விவேகானந்தர் மார்க்கை மட்டுமே குறிப்பிடும் பெயர் பலகைகள் வைக்கப்பட்டுள்ளன. 

பெயர் மாற்றம் ஏன்? அப்துல் கலாம் பெயர்!

முகலாய காலப் பெயர்களைக் கொண்ட சாலைகளின் பெயர்களை மாற்றுவது என்பது பல ஆண்டுகளாக டெல்லியில் விவாத பொருளாக இருந்து வருகிறது. முன்னதாக ஔரங்கசீப் சாலை டாக்டர் ஏபிஜே அப்துல் கலாம் சாலை என்று பெயர் மாற்றப்பட்டது. ஹுமாயூன் சாலையின் ஒரு பகுதி டால்மியா மார்க் என்ன பெயர் மாற்றப்பட்டது. மேலும் அக்பர் சாலை என பெயர் மாற்ற வேண்டும் என்ற கோரிக்கைகள் இருந்தன. துக்ளக் பாதையை சுவாமி விவேகானந்தர் மார்க் என்று பெயர் மாற்ற முயற்சி இந்த திசையில் மற்றொரு படியாக கருதப்படுகிறது.

இந்த போக்கு தொடர்ந்தால் டெல்லியில் இன்னும் பல இடங்கள் எதிர்காலத்தில் இதே போன்ற பெயர் மாற்றங்களுக்கு உள்ளாக கூடும். அரசாங்கம் இந்த மாற்றத்தை முறைப்படுத்துமா என்பதை பொறுத்திருந்துதான் பார்க்க வேண்டும். ஆனால் அரசு குடியிருப்புகளில் புதிய பெயர் பலகைகளை நிறுவுவது அந்த திசையில் ஒரு வலுவான நகர்வை குறிக்கிறது.

இதையும் படிங்க: எக்ஸ்டிரா வேலை வாங்கிய பாஸ்...கடுப்பான ஊழியருக்கு செய்த தரமான சம்பவம்!!