வெள்ளை மாளிகையில் உள்ள ஓவல் அலுவலகத்தில் தனது பத்திரிகையாளர் சந்திப்பின் போது கூட தனது மகனுடன்  அடிக்கடி காணப்படும் எலான் மஸ்க், ஒரு செல்வாக்கு மிக்க நபர் தான் தனது 13வது குழந்தையின் தாய் என்று கூறியதால் ஒரு புதிய சர்ச்சையில் சிக்கினார்.26 வயதான எழுத்தாளர் ஆஷ்லே செயிண்ட் கிளேர், ஐந்து மாதங்களுக்கு முன்பு, தான் மஸ்க்கின் குழந்தையைப் பெற்றெடுத்ததாகவும், ஆனால் குழந்தையின் பாதுகாப்பைப் பாதுகாக்க அதை ரகசியமாக வைத்திருந்ததாகவும் தெரிவித்துள்ளது பரபரப்ப்பை ஏற்படுத்தி உள்ளது. 

தனது 13வது குழந்தையின் தாய் என்று பெண் கூறியதை அடுத்து மௌனம் கலைத்த எலோன் மஸ்க்இப்போது நீக்கப்பட்ட பதிவுகளில், எலோன் மஸ்க் சமீபத்தில் அதிக குழந்தைகளைப் பெற்றுக்கொள்ளும்படி கேட்டதாகவும் ஆஷ்லே செயிண்ட் கிளேர் குற்றம் சாட்டியுள்ளார்.

மிக்க ஆஷ்லே செயிண்ட் கிளேர் தனது ஐந்து மாத குழந்தையின் தந்தை என்று எலான் மஸ்க்கை கூறியது பரபரப்பை ஏற்படுத்தியது. இதனைத் தொடர்ந்து டெஸ்லா தலைமை நிர்வாக அதிகாரி எலோன் மஸ்க் தனது மௌனத்தை கலைத்துள்ளார்.

இதையும் படிங்க: அதிபர் பதவியேற்ற சில மணிநேரங்களில் திடீர் முடிவு... ட்ரம்ப் அரசில் இருந்து ராஜினாமா செய்த விவேக் ராமசாமி..!

26 வயதான அந்த பெண் தனது குழந்தையைப் பெற ஐந்து ஆண்டுகளாக 'திட்டமிட்டு'இருந்ததாக எக்ஸ் தளத்தில் பதிவிட்டு இருந்தார். இது அமெரிக்காவில் சர்ச்சையை ஏற்படுத்த்தியது. இந்தப் பதிவிற்கு பதிலளித்த எலான் மஸ்க் 'ஹூ என்று  ஒன்றை எழுத்தில் பதிவிட்டுள்ளார்.

செயிண்ட் கிளேர் நேற்று முன்தினம், 'மஸ்க் தனது குழந்தையின் தந்தை என்று தெரிவித்து, "ஐந்து மாதங்களுக்கு முன்பு, நான் ஒரு புதிய குழந்தையை உலகிற்கு வரவேற்றேன். எலோன் மஸ்க் தான் தந்தை" என்று லத்தீன் சொற்றொடருடன் Alea iacta est (The die is cast) என்ற வாசகத்துடன் பதிவிட்டு இருந்தார்.

குழந்தையின் பாதுகாப்பிற்காக தான் அந்தத் தகவலை ரகசியமாக வைத்திருந்ததாகவும், ஆனால் ஊடகங்கள் இதுகுறித்து செய்தியை வெளியிடத் தயாராகி வருவதை அறிந்த பிறகு பொதுவில் வெளியிட முடிவு செய்ததாகவும் அவர் கூறினார். "எங்கள் குழந்தையின் தனியுரிமை,பாதுகாப்பைப் பாதுகாப்பதற்காக நான் இதை முன்னர் வெளியிடவில்லை. ஆனால் சமீபத்திய நாட்களில், டேப்ளாய்டு ஊடகங்கள் அதை வெளியிட விரும்புகின்றன என்பது தெளிவாகியுள்ளது. அது ஏற்படுத்தும் தீங்குகளைப் பொருட்படுத்தியே இதனை முன்கூட்டி தெரிவிக்கிறேன். எங்கள் குழந்தை ஒரு சாதாரண மற்றும் பாதுகாப்பான சூழலில் வளர அனுமதிக்க விரும்புகிறேன். அந்த காரணத்திற்காக, ஊடகங்கள் எங்கள் குழந்தையின் தனியுரிமையை மதிக்க வேண்டும், மேலும் ஆக்கிரமிப்பு அறிக்கையிடலைத் தவிர்க்க வேண்டும் என்று நான் கேட்டுக்கொள்கிறேன்'' அவர் கூறி இருந்தார். 

இதற்கு எலான் மஸ்க்கின் ஒற்றை எழுத்து பதிலைத் தொடர்ந்து, செயிண்ட் கிளேர், தனக்கு நேரடியாக பதிலளிப்பதற்குப் பதிலாக ஆன்லைன் ஊடகங்களில் ஈடுபடுவதற்காக அவரை அழைத்தார். "எலோன், கடந்த பல நாட்களாக நாங்கள் தொடர்பு கொள்ள முயற்சித்து வருகிறோம். நீங்கள் பதிலளிக்கவில்லை. 15 வயதில் உள்ளாடையுடன் எனது புகைப்படங்களை பதிவிட்ட ஒரு நபரின் அவதூறுகளுக்கு பகிரங்கமாக பதிலளிப்பதற்குப் பதிலாக நீங்கள் எப்போது எங்களுக்கு பதிலளிக்கப் போகிறீர்கள்?" என்று  கேள்வி எழுப்பி உள்ளார்.

செயிண்ட் கிளேரின் பிரதிநிதி பிரையன் க்ளிக்லிச், இணை பெற்றோர் தொடர்பான ஒப்பந்தத்தில் செயிண்ட் கிளேரும், எலோன் மஸ்க்கும் தனிப்பட்ட முறையில் கையெழுத்திட்டதையும், இதற்காக இருவரும் ஒத்துழைத்ததை உறுதிப்படுத்தினார். "எலோன், ஆஷ்லேயுடனான தனது பெற்றோரின் பங்கை பகிரங்கமாக ஒப்புக்கொள்வதற்காகவும், தேவையற்ற ஊகங்களை முடிவுக்குக் கொண்டுவருவதற்காகவும் நாங்கள் காத்திருக்கிறோம். எலோன் அவர்கள் பகிர்ந்து கொள்ளும் குழந்தையின் நல்வாழ்வு, பாதுகாப்பின் சிறந்த நலன்களுக்காக, தங்கள் ஒப்பந்தத்தை விரைவாக முடிக்க விரும்புவதாக ஆஷ்லே நம்புகிறார்" என்று அவர் தெரிவித்தார்.

நீக்கப்பட்ட பதிவுகளில், செயிண்ட் கிளேர், தனது மைனர் புகைப்படங்களைப் பகிர்ந்ததாகக் கூறப்படும் ஒரு எக்ஸ்தள பயனருக்கு  எலோன் மஸ்க் பதிலளித்ததாகக் குற்றம் சாட்டினார். அதே கணக்கு ஒருமித்த கருத்து இல்லாத படங்களை பதிவிட்டதற்காக எக்ஸ்தள பாதுகாப்புக் குழுவால் தற்காலிகமாகத் தடைசெய்யப்பட்டதையும் அவர் எடுத்துக் கூறினார். அவர் பகிர்ந்த ஸ்கிரீன்ஷாட்கள், எக்ஸ்தள பாதுகாப்புத் தலைவர், தள விதிகளை மீறியதற்காக அந்த எக்ஸ்தள கணக்கு ஒரு வாரம் முடக்கப்பட்டதையும் உறுதிப்படுத்துவதைக் காட்டுகின்றன.

செயிண்ட் கிளேர், எலோன்ம் மஸ்க் சமீபத்தில் தன்னிடம் அதிக குழந்தைகளைப் பெற்றுத் தருமாறு கேட்டதாகவும், ஆனால், அவரே இப்போது தன்னுடன் நேரடியாகத் தொடர்புகொள்வதற்குப் பதிலாக ஊகங்களில் ஈடுபடத் தேர்வு செய்துள்ளதாகவும் குற்றம் சாட்டினார்.

சனிக்கிழமை வெளியிடப்பட்ட தி நியூயார்க் போஸ்ட்டுக்கு செயிண்ட் கிளேர் அளித்த பேட்டியில், ''எலோன் மஸ்க், மே 2023-ல் எக்ஸ் தளத்தில் தனது DM-மூலம் என்னை தொடர்பு கொண்டார். எனக்கு 24 வயதாக இருந்தபோது சான் பிரான்சிஸ்கோவில் முதன்முறையாக மஸ்க்கை சந்தித்தேன். அங்கிருந்து எங்கள் காதல் வளர்ந்தது'' எனத் தெரிவித்துள்ளார்.

செயிண்ட் கிளேர் ஒரு வருடத்திற்கு முன்பு சிட்டி ஹால் அருகே உள்ள ஒரு உயர்ரக மன்ஹாட்டன் அடுக்குமாடி குடியிருப்பில் மாதத்திற்கு $12,000 முதல் $15,000 வரை வாடகைக்கு குடிபெயர்ந்துள்ளார். டொனால்ட் டிரம்ப் தனது தேர்தல் இரவு நிகழ்வை நடத்திய மார்-எ-லாகோவில் செயிண்ட் கிளேர் கலந்து கொண்டார். காங்கிரஸ்காரர் மாட் கேட்ஸின் மனைவி ஜிஞ்சர், மற்றும் குடியரசுக் கட்சியின் செய்தித் தொடர்பாளர் எலிசபெத் பிப்கோவுடன் செயிண்ட் கிளேர் அவர் புகைப்படங்களையும் பகிர்ந்து கொண்டார்.

எலான் மஸ்க் எக்ஸில் அறிமுகமான அந்த நேரத்தில் எலோன் மீது தனக்கு 'குறிப்பாக அதிக ஆர்வம் இல்லை' என்று செயிண்ட் கிளேர் ஒப்புக்கொண்டார்.ஆனால் மாதங்களுக்கு முன்பு அவர் ட்விட்டரை 44 பில்லியன் டாலர் கையகப்படுத்திய பின்பே அவர் எலான் மாஸ்க் என்பதை அவரை தெரிந்து கொண்டார்.

"ஒரு கட்டத்தில், எலான் மஸ்க் 'நீங்கள் எப்போதாவது சான் பிரான்சிஸ்கோவிலோ அல்லது ஆஸ்டினிலோ வருவீர்களா?' என்று கேட்டார். அதற்கு "நான் அடிக்கடி ஆஸ்டின், டெக்சாஸில் வேலைக்காக வந்து செல்வேன்' என்று பதிலளித்தேன். சிறிது நேரத்திற்குப் பிறகு, மஸ்க்கை நேர்காணல் செய்ய 48 மணி நேரத்திற்குள் சான் பிரான்சிஸ்கோவிற்கு வருமாறு அவரது நிறுவனம் கேட்டுக் கொண்டது.

"நேர்காணலுக்குப் பிறகு, 'இன்றிரவு பிராவிடன்ஸுக்கு [ரோட் தீவு] செல்ல விரும்புகிறீர்களா?' என்று அவரிடமிருந்து எனக்கு ஒரு குறுஞ்செய்தி வந்தது. அப்போது தான் அவர் என் மூலம் தனது 13வது குழந்தையைப் பெற முயற்சிக்கிறார் என்பதை அறிந்து கொண்டேன்'' எனத் தெரிவித்துள்ளார் செயிண்ட் கிளேர். 

52 வயதான எலோன் மஸ்க்கிற்கு மூன்று பெண்களுடன் 12 குழந்தைகள் உள்ளனர். அவர் தனது முதல் மனைவி ஜஸ்டின் வில்சன் - இரட்டையர்கள் விவியன் மற்றும் கிரிஃபின், மற்ற இரு துணைவிகளான காய் சாக்சன் மற்றும் டாமியன் ஆகியோருடன் ஐந்து குழந்தைகளைப் பெற்றுள்ளார். இசைக்கலைஞர் கிரிம்ஸுடன், அவருக்கு மூன்று குழந்தைகள் உள்ளனர். எக்ஸ், எக்ஸா டார்க் சைடரேல் மற்றும் டெக்னோ மெக்கானிக்கஸ். மஸ்க் மற்றும் நியூராலிங்க் நிர்வாகி ஷிவோன் ஜிலிஸ் இரட்டையர்கள் ஸ்ட்ரைடர், அஸூர் ஆகியோருடனும் குழந்தைகளை  பெற்றுள்ளார்.
 

இதையும் படிங்க: எலான் மஸ்க் அழைக்கிறார்! பள்ளியும், படிப்பும் முக்கியமல்லையாம்! இந்திய இளைஞர்களுக்கு வேலைவாய்ப்பு...