இந்திய சினிமாவில் சமகாலத்தில் சிறந்த படைப்பாளியாக கொண்டாடப்படும் பிரம்மாண்ட இயக்குநர் ஷங்கர். எல்லோரும் வணிக சினிமாவுக்கான ஒரு சூத்திரத்தைத் துரத்திக் கொண்டிருந்தபோது, ​​ஷங்கர் பிரமாண்டமான செட்கள், தனித்துவமான கிராபிக்ஸ் வேலைகளில் முத்திரை பதித்து ரசிகர்களை வியப்பின் உச்சித்திற்கு அழைத்துச் சென்றவர். 

ஆனால், கடந்த பத்து ஆண்டுகளை பின்னோக்கிப் பார்த்தால் ​​ஷங்கரின் சினிமா கேரியரில் படுதோல்வியே மிஞ்சி வருகிறது. இந்தியன் 2, மாபெரும் மொக்கை. தாத்த்தாவுடன் வந்து ந்ரசிகர்களை கதற விட்டார். அடுத்து கேம் சேஞ்சரும் பெரிதாக கவனம் ஈர்க்கவில்லை. 

இந்தியன் 2வுக்கு பிறகு வெற்றிபெற்றே ஆக வேண்டிய நெருக்கடியில் இருந்த ஷங்கருக்கு கேம் சேஞ்சர் முக்கியமான திரைப்படம். அதுவும் அவரது முதல் நேரடி தெலுங்கு படம். இந்தப் படம் மிகப்பெரிய எதிர்பார்ப்புகளைக் கொண்டிருந்தது. இருப்பினும், பார்வையாளர்கள் மத்தியில் கலவையான விமர்சனங்களை பதிவு செய்து வருகிறது.ஷங்கரின் விண்டேஜ் திரைப்படத் தயாரிப்பு கூறுகள் இல்லாததுதான் காரணம்.

இதையும் படிங்க: அல்ட்ரா மாடர்ன் உடையில் ஹாலிவுட் ஹீரோயின்களுக்கே டஃப் கொடுக்கும் அதிதி ஷங்கர்!

கேம் சேஞ்சருக்கு கார்த்திக் சுப்பராஜின் ஸ்கிரிப்டை ஷங்கர் தேர்ந்தெடுத்தார். ராம் சரணின் நட்சத்திர சக்தி, தில் ராஜுவின் ஆடம்பரமான பட்ஜெட் இருந்தபோதிலும், ஷங்கரின் பொற்காலத்தின் மாயாஜாலத்தை இந்தப் படம் மீண்டும் கைப்பற்றத் தவறிவிட்டது. ஷங்கரின் திறமையின் வீழ்ச்சி எழுத்தாளர் சுஜாதாவின் மறைவில் இருந்து ஆரம்பித்தது.

ஷங்கரின் முத்திரை பதித்த படங்களான இந்தியன், ஓகே ஒக்காடு, பாய்ஸ், எந்திரன், சிவாஜி ஆகியவற்றிற்கு எழுத்தாளராக சுஜாதா ஒரு முக்கிய பாத்திரத்தை வகித்தார். கூர்மையான கதை சொல்லல், வசனங்களுக்கு பெயர் பெற்ற சுஜாதா, ஷங்கரின் ந்ன்மதிப்பை உயர்த்தினார்.மேம்பட்ட கருத்துள்ள கதைகளை உணர்ச்சி ஆழத்துடன் கலந்தார்.

எந்திரன் படத்திற்கு பிறகு சுஜாதா இறந்ததிலிருந்து, ஷங்கரின் படங்கள் அதே தாக்கத்தை பிரதிபலிக்க போராடி வருகின்றன. ஐ மற்றும் 2.0 போன்ற திரைப்படங்கள் விமர்சன ரீதியாகவும், வசூல் ரீதியாகவும் தோல்வி படங்களே. இந்தியன் 2 ஷங்கர் படங்களில் பேரழிவின் உச்சம்.

ராம் சரணின் மார்க்கெட்,புகழ் ஆர்ஆர்ஆரால் உருவாக்கப்பட்ட நல்லெண்ணம் காரணமாக 'கேம் சேஞ்சர்' வலுவான ஓபனிங்கைப் பெற்றிருந்தாலும், அது எல்லா நேரத்திலும் பிளாக்பஸ்டர் அந்தஸ்தை அடைய முடியாது என்பதே நிதர்சனமான உண்மை. புதுமைகள் இல்லாமல் ஷங்கர் தனது முந்தைய படைப்புகளின் வெற்றியை மனதில் நம்பியிருப்பதும், இது சுஜாதா இல்லாததால் ஏற்பட்ட படைப்பு வெற்றிடத்தையும் எடுத்துக்காட்டுகிறது.

மற்றொரு பக்கம், ஷங்கரால் திறமையான உதவியாளர் குழுவை தற்போது கையாளவில்லை.அட்லீ போன்ற முன்னாள் உதவியாளர்களும் ஷங்கரின் புகழுக்கு பெரும் பங்களிப்பை வழங்கியுள்ளனர். பெரும்பாலான பழைய உதவியாளர்கள் இப்போது அவரிடம் இல்லை. சிலர் இயக்குநர்களாகிவிட்டனர். இது குறித்து நாம் ஒரு முடிவுக்கு வர முடியாது, ஆனால் உண்மை என்னவென்றால் ஷங்கருக்கு நிச்சயமாக ஒரு யதார்த்த சுயபரிசோதனை தேவை.

இயக்குனர் ஷங்கர் இன்னும் தனது கடந்த காலத்தின் வெற்றியை மட்டுமே நம்பியிருக்கிறார்.சமகால பார்வையாளர்களின் எதிர்பார்ப்புகளின் ரசனைகள், எதிர்பார்ப்புகளுடன் அவர் பொறுந்இப்போகவில்லை. எனவே, அவர் சுயபரிசோதனைக்கு சிறிது நேரம் ஒதுக்கும் நேரம் இது. திரைப்பட படைப்பாளிகள் சரிவுகளை எதிர்கொள்வது இயல்பானது.ஷங்கரின் தனது பிராண்டை உருவாக்கி மீண்டும் கட்டியெழுப்பும் திறன் முக்கியமானது.
 

இதையும் படிங்க: முரட்டு பார்வை! மூட் அவுட் செய்யும் அழகில் அதிதி ஷங்கர்!